ردية الشعر صارت سلعةٍ لفلان وفلان

[صاهد الشيباني]

سلام تسليمةٍ تبقى على دورات الازمان=تنصى رجالٍ لها بالطيب عنوان وعلامة
ردية الشعر صارت سلعةٍ لفلان وفلان=من يوم شارك بها الشامي وناسٍ من تهامة

[عبدالرحمن الهيلوم]

	-------------------------------------------------------------------------------- سلام تسليمةٍ تبقى علـى دورات الازمـان تنصى رجالٍ لها بالطيب عنـوان وعلامـة ردية الشعر صارت سلعـةٍ لفـلان وفـلان من يوم شارك بها الشامي وناسٍ من تهامة

صح السانك يالشيش

[زيد الرايز]

وعليكم السلام تفضل :

يا مرحبا يا هلا بك سرّها والخد ميدان = نبا نخاويك لين نشوف ضلعان الرغامه
أنته علامك تفتّح في هذا الموضوع بيبان = ما أنته وكيلٍ لخلق الله ومطلبك السلامه

[صاهد الشيباني]

صح بدنك ياعبدالرحمن

واستلم يازيد

دام البقا ياعميلاً ردته من زين الالحان=خلك معي لاتهوجس واعصب الراس بعمامة
قد قالها لابن ريفة فالملاعب ولد عتقان=سليم وهذيل والعتبان هم راس الزعامة

[المعتصم بالله]

الشيش صح لسانك

زيد صح لسانك

سروها يا الشعار ولكم منا المتابعه

[زيد الرايز]

استلم لا هنت :

الله يسلمك طاروق القوافي توّ مازان = أنا معك بالوفاء والسّلم ما أغيّر نظامه
لكن مالي ومال أللي يحقر الناس حقران = كل القبايل لهم في الشعر تيجان ومسامه

[زيد الرايز]

المعتصم بالله صح بدنك

شكرا لك

[قادح شرار]

الشيش : أنت جبت المشكلة الأساسية والدخيلة على شعر المحاورة قلنا المحاورة ما قلنا الشعر عامة.

ردية الشعر صارت سلعةٍ لفـلان وفـلان===
من يوم شارك بها الشامي وناسٍ من تهامة

وجبت الحل بعد واللي هو:

قد قالها لابن ريفة فالملاعب ولـد عتقـان===
سليم وهذيل والعتبان هـم راس الزعامـة


صح لسانك مليووووون , وبتابع أشوف القضية .

زيد الرايز: صح لسانك .


تقبلوا مروري.


أخوكم/ قادح شرار.

[زيد الرايز]

هلا أخوي قادح شرار

نعم الشيش يقصد شعر المحاورة وليس الشعر عموما

سررنا بتواجدك لا هنت

[صاهد الشيباني]

المعتصم قادح شرار اسعدني تواجدكم

استلم يازيد

ان كانت زانت رمينها بعبرود ام نيشان=والمشكلة كان حالت دونها جرم العدامة
الحق مايزعل الا واحدٍ عليه نقصان=وان زعلت الناس يمكن من علامات القيامة

آخر تعديل صاهد الشيباني يوم 03-Mar-2008 في 11:42 PM.