ثنيان الرشيدي وصياف الحربي

[عبدالرحمن الهيلوم]

[ اقدم لك هذه المحاور التي جرت في المدينة المنورة بين امبراطور الشعر ثنيان سرور الرشيدي وشاعر حرب والخليج صياف الحربي .. واعتذر عن التقصير :-


محاورة بين (الامبراطور) ثنيان الرشيدي وصياف الحربي




الامبراطـور:
يامرحبا باسم المدينه واهلها مـن كـل صـوب عند الرجال اهل المكان اللـي عزيـزن شانهـا
ياطيب ليلن جاب لي صياف من بـد الحـروب اللـي وزنهـا فـي يديـه ولا شـرى ميزانهـا

صياف الحربي:
الك البقا والطيب يوجـد فالشمـال وفالجنـوب والطيب من فعل الرجال اللـي طـوال ايمانهـا
حنا سرينا الليل كلـه كـان مـا هبـت هبـوب وان كان هبت قوم سـج الخيـل فـي ميدانهـا

الامبراطـور:
الناس تجهل في بعضها ما ملكت سـر الغيـوب لكن طلوع الشمس من فـوق العـرب برهانهـا
ترى الوعد لك يالسحيمي فالوسيع من الـدروب لا لاح بـراق المـزون اللـي عـزل ربانهـا

صياف الحربي:
يا كثر ناسن ما يعرفون الطلوع مـن الغـروب مثـل السفينـه فالبحـر يـوم انقلـب ربانـهـا
ترى الدروب البيض بين الناس ما فيهـا عيـوب واهـل العوايـد لا تغمـض والكحـل فعيانهـا

الامبراطـور:
ما دام عينك صاحيه مانته عن النـور محجـوب اقرب من الصورة وتعـرف شكلهـا والوانهـا
انته تصعبهـا وهـي ياعـود مافيهـا صعـوب كـل الطيـور مسطـره فالمسطـره جنحانهـا

صياف الحربي:
خيل العرب ما عاد فيها لا نـزول ولا ركـوب عشرين منهـا فـاول الهجمـه تجـر ارسانهـا
الله يعينك قوم سـو السالفـه باحسـن سلـوب واليا هـداك الله تحـط النـون مثـل اخوانهـا

الامبراطـور:
خيل العرب راحت بعد جوها كبيريـن القلـوب اللـي تـدور دربهـا واللـي تجـر اعنانـهـا
اللي مضى فالباخـره مافيـه للراكـب ركـوب واليـوم لريـاح الهبـايـب فتـحـت بيبانـهـا

صياف الحربي:
ما يبلش البدوان غيـر الشيـخ نفـاخ الـذروب اللـي ليـا قـرّب مـن الحيـه تمـد لسانـهـا
الظاهر انك تطلع من الحفـل مغفـور الذنـوب هذا هدف مـن يرمـي الحبـه علـى طحانهـا

الامبراطـور:
حنا ترانا ما نبيها يا بيـض الشـارب سحـوب الخزنه اللـي دونهـا سلطـان مـن سلطانهـا
حنا ذخرنا السيف ياصيـاف لا شبـت شبـوب وام الكبايـر مالهـا الا السـان مثـل السانهـا

صياف الحربي:
حنا نبيها في ردون الثوب مـا تصـل الجنـوب ياشين رمـي البنـدق اللـي منعفـت نيشانهـا
انا تراني يابيض الشارب مـا فتـش فالجيـوب آخذ ماشـاح ولاح والدنيـا يـا كثـر الحانهـا
الامبراطـور:
تبي تبين الشمس فوق الثلـج ليـن انـه يـذوب تـارد عليـه النـاس وتعبـي منـه صملانهـا
انا ادري انك يالسحيمي لا مهبـول ولا كـذوب احرفتها براس العصا واضفت عليـك اغصانهـا

صياف الحربي:
تبا تبين الشمس مير الثلـج الابيـض دوب دوب تـارد عليـه ام العيـال وقرقـعـة قدحانـهـا
حنا حسبنا المكسب المعروف والاصل محسوب لو كان بعض الناس تـدري كـان زاد جنانهـا

الامبراطـور:
انـت امتجهـز للقشـر والا امتجهـز للهروب نـارن لهـا دخـان بيـن ايديـك وش دخانهـا
ما راح شي من الجمال الا البعاريـن الذهـوب اللي تطب اوطـان يابـو زيـد غيـر اوطانهـا

صياف الحربي:
ما عندنا وحده مـن الثنتيـن يالشيـخ النصـوب اليا دهنّـا الـروس والله مـا يـروح ادهانهـا
ابليس حوّل فـي جهنّـم ميـر عيـا لا يتـوب ذلولـه القشـرا لـك الله مـا يمـس ابطانهـا

الامبراطـور:
ان كان صرت بنص درب الناس يالقاضي نشوب نصبر على اجحـا ليـن ياخـذ حاجتـه ديانهـا
الهرج واجد والعرب ما بيـن غالـب ومغلـوب مير المدينه يـا سحيمـي كـم عـدد سحمانهـا

صياف الحربي:
يا كثر قدحان العرب فالبيت والديـس محلـوب الجـوع ذبحهـم وخبـز الهنـد فـي عمدانهـا
اهل الحجاز من الكرم ما يذبحون الا العصـوب واللي قعد ياكـل ثـلاث ايـام مـن عصبانهـا[/font]

[عبدالله الجـــذع]

صح لسان الشعار ورحم الله صياف الحربي..

وثنيان هو نفسه اللي في شاعر المليون.؟؟

مشكور يابو داحم..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

نعم هو هو مشكووووووووووووووووووور ياااالغالي

[ابو براك الرياض]

يعطيك العافية

[عبدالرحمن الهيلوم]

مشكووووووووووووورين يالغالين

[بدر الديحاني]

الله يرحم صياف شاعر الخليج ويرحم كل مسلم

وصح السانتهم وكما نشتاق الى الجزاله والمعنى

معك يالهيلوم وعساك على القوه وبيض الله وجهك

محبكـ ابن مطير حمران النواظر [ بدر الديحاني ]

[عبدالرحمن الهيلوم]

مشكوووووووووووورين علي المرور يالغالين