الفزعه يا أهل الفزعه !!!

[ذيب النفعه]

أرجو نقد القصيده اذا تكرمتوا وهذي طلبي الله لا يهيينكم < شاعر مبتدىء >




ماكل شارب يظهر بوجه رجال
فبعض الشوارب ماش ذره رجوله
الموت ابرك من حياةٍ للأذلال
والميت الحي منهو ذكر بطوله
المرجله ماهي شماغ ولا عقال
المرجله للرجل طيبه فعووله
والعز ماهو عز بجنيه وريال
فقر بمعزه ولا غناه بذلوله
اما نعيش وذكرنا مشرف ابطال
ولا نتدفن في قبوور معزوله
وين انت ياللي تثبت الهرج بأفعال
وين انت ياللي فعله اطيب من قوله
راحو رجالن مالهم بالردا فال
اللي لهم في المجد صوله وجوله
الورع منهم لأطيب الخيل خيال
ورجله على دوس المهالك صموله
والرجل منهم للصعيبات حلال
عشق العذارا من بنات الحموله
ربى على دينن وعفه واجلال
يمشي بقول الله وسنه رسووله
مرفوع راسه ولوو وقت الردا طال
وتاج المراجل دوم صعبن وصوله
ما ياصله من شيخته شيخت اموال
ولا ينشرب كاس الهنا بالسهوله
لابدله يشرب من المر فنجال
وتطبع على لحي المعادي رجوله
يرويه فنجال العنا دلال ودلال
ويصبر على ضيم الدهر في حلوله
الطيب اللي مدته جزله جزال
ولا طاح ربعه في سكاته مدووله
في قلووب ربعه واخوياه اله منزال
واليا نخا كل اهل الجود فزعووله
ضعف البدن قل الحيل فبه ماحال
بركان ثاير من غضب ما فعلوله
راسي على الوقفات لو جاته ثقال
سمحن على المخطين لو ما بكووله
يخصر ضعيف النفس لو قال ما قال
وافي مع الوافين لو ما وفوله
وهذي هجووس من البسيسي بعد شال
في خاطره يومن ربعه طرووله
لاهي رسم لوحه ولا نحت تمثال
اذكر معاني مجد للي سموله



وسلامتكم...

[الشامخ.العتيبي]

أخي الكريم ذيب النفعه
حيّاك الله وأهلاً ومرحباً

بالنسبة للقصيدة فهي مليئة جداً بالكسور
ثم أنك استخدمت أكثر من بحر في هذه القصيدة


ولا أخفيك بأن لديك أبيات جزلة جداً ولو سلمت قصيدتك الكسور لكان لها وقع كبير في صدور الرجال


وأسجل أعجابي في هذا البيت
راسي على الوقفات لو جاته ثقال
سمحن على المخطين لو ما بكو له

وهناك أبيات أخرى في نفس جمال هذا البيت ولا يكتبها إلاّ من يملك الشاعرية الفذة

تحياتي لك
وأنصحك بقراءة الشعر وحفظه فستجد بعدها السهولة التامة في وزن قصائدك

[ذيب النفعه]

مشكووووور اخوي ولكن الله لا يهينك حدد البيووت اللي فيها كسر ومنكم نستفيد اذا تكرمت وشكرا على المرور الكريم ونقدر لك تعاوك ...

[عيد الروقي]

لاهنت على الابيات الجزله من شاعر جزل

آخر تعديل عيد الروقي يوم 29-Jan-2008 في 12:19 AM.

[ابو كتيفه المحياني]

والله شاعر وعقبالي يارب ابا اكون شاعر

[عبدالله الجـــذع]

صح لسانك يالغالــي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابو عبد الإله]

ياذيب النفعه

بيض الله وجهك على هذا التواضع الطيب عندما عرضت هذه القصيده للنقد وطلبت نقدها وانا اقول من راى انك تعرض القصيده على نقاد قبل طرحها وتنقيحها ولاهو عيب ان الواحد يستشير الاخرين والله يوفقك