الغالي((ابن هضلا ))

[عبدالرحمن الهيلوم]

(((شاعر العروبه الشاعر المحبوب / يوسف العتيبي )

انا كان لي وجهـة نظـر لاتـزال الآن= على حالها.... والحال مايندرى بعديـن
على اللي مورد كلمـةٍ مالهـا برهـان= يقول السنين تعلـم الرجل..لكـن ويـن
=
لو ان السنين تعلـم وماهـوب غلطا ن =جل ليه اصدق ضحكة الناس الى ذا الحين
حكايات وامثال وقصايد وهـرج لسـان= ماغير نتناقلها لاجـل نكسـر الروتيـن
ولاهي من السنّه ولاهـي مـن القـرآن =ولكنهـا مثـل الدراهـم لهـا وجهيـن
مثل من يقول ان افة العالـم النسيـان= ومثل من يقول ان الجمايل سـواة الديـن
وانا في رقبتي ديـن عبـدالله وسلطـان =مقادم كتايـب جيشنـا فالنهـار الشيـن
سلاطين نجد اعيـال مـن وحّدالشتـان= مجدي الجهام معزي مطّـوع العاصيـن
حدود البلاد مـن الحديثـه ليـا نجـران =حكمها بشرع الله والسيـف ابـو حديـن
عموماًً مثل ماقالوا الهـرج لـه نيشـان =من البيت هذا نقطه..وفاصـل وخطيـن
ليا صار يمديني على الما وانا عطشـان =ابشرب واعيّن خير واجلس واسولف ليـن
ارد الخبر والكلمه اللـي وعدهـا حـان =ابقولهـا واعلّـم اللـي ماهـم داريــن
لياصرت حلو لسانموفم اني قليل احسان =قنـي الله ومتجمـل مـن الصوبيـن
لأني وانا صادق علي الحـرام ان كـان =تكلمت فظهـور الاوادم وهـم مجفيـن
لكن لاذكرت اني مسلّم علـى الرديـان =تمنيت ربي لـو خلقنـي بـدون يديـن
ابقـول للـي ينطـح براسـه الجـدران =حسب مااتضحلي فيه وحده مـن الثنتيـن
او انه من الجدران متضايـق وزعـلان =او انه يبي يطلع لكن ما يعـرف منيـن
ابتجاهله واسكت لو ان السكـوت احيـان =ضعف..وانهزاميه..وذله..وكسرة عيـن
وانا لاسكتّ اسكت لأني وسيـع بطـان =ومتأكـد انـي لاضعيّـف ولامسكيـن
ابقوم بحمـول الرفاقـه وانـا شقـران =يشيل ظهري حمل المجانين والصاحيـن
على شانهم والا انت ياممسح الريضـان=تبي تتعب حنـا علـى حالنـا باقيـن

[@ـايل]

صح لسان الشاعر يوسف

والله يعطيك العافيه يالهيلوم على تنسيق القصيده

اشكرك كل الشكر

والى الامام

التوقيع

تويتر : AlHooL@

[عبدالرحمن الهيلوم]

ابن هضلا //اسف تنسيق شكله غلط !!

وعموما بسيط جدا

وابشر بس عطني وقت

[محمد العتيبي]

ابوداحم الله يرضى عليك
عندي الموضوع ماخذ كل الصفحه مدري ليه
ارجو تصغير الموضوع ياجدي..
..

التوقيع

للتواصل عبر twitter تويتر al_bargawy@

[ابن هضلا]

مااااااااااقصرت ياعبدالرحمن..التنسيق مضبوط

بيض الله وجهك تعبتك يالغالي..

تسلم يمينك...ماااااااقصرت والله

[@ـايل]

الحروف مننمطه يرجى تصغيرها لكي ترجع الصفحه مثل طبيعتها الاولى

[نواف العصيمي]

تم التعديل

ويعطيك العافيه يالهيلوم ..

التوقيع

[@ـايل]

مشكوووورين على التعديل

والله يعطيكم الصحه والعافيه

[عبدالرحمن الهيلوم]

شكرا يالغالين علي المرور

[ابن هضلا]

وانا في رقبتي ديـن عبـدالله وسلطـان
مقادم كتايـب جيشنـا فالنهـار الشيـن

***************

ابتجاهله واسكت لو ان السكـوت احيـان
ضعف..وانهزاميه..وذله..وكسرة عيـن

وانا لاسكتّ اسكت لأني وسيـع بطـان
ومتأكـد انـي لاضعيّـف ولامسكيـن

ابقوم بحمـول الرفاقـه وانـا شقـران
يشيل ظهري حمل المجانين والصاحيـن

على شانهم والا انت ياممسح الريضـان
تبي تتعـب حنـا علـى حالنـا باقيـن


صح لسانك يا يوسف على هالقصيده