الليل..والفكسار..والقيفان

[بندر المرشدي]

مساكم الله بالخير

معشر الشعراء من يريد اللعب يتفضل

الليل والفكسار والقيفان=ما غيرها شيءً يسليني
واليا حضر للمعرفة برهان=الملعبة تسوا نظر عيني

[رفيع المنزل]

العافيه والمال والايمان = في نظرتي تسوى الملاييني
والمعرفه لرجالها شفقان= اللي يطابق دينهم ديني

[بندر المرشدي]

التسلية مفهومها يافلان=يفرق عن اللي به توصيني
اللحق ترا رمي الجوازي زان=يالنشمي اللي تاتخاويني

[بندر المرشدي]

.................................................. ....................................

آخر تعديل بندر المرشدي يوم 10-Nov-2007 في 11:35 PM.

[رفيع المنزل]

ابعد وانا ببعد عن البهتان=وامزح معي مزح يهديني
انا كان تقدر ترمي النيشان=عجل برميه وش تلاحيني

[بندر المرشدي]

هرج المجالس مايسد الشان=وين الادلة والبراهيني
ابا انشدك عن حجة السّجان=عقب اختفوا كل المساجيني

[عبدالله الجـــذع]

التحــدي & رفيع المنزل..


ابداااع منقطــع النظيـــر واصلواا وأنا أحد متنابعيــنكم ...

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بندر المرشدي]

المشاركة الأصلية كتبت بواسطة عبدالله الجـــذع

التحــدي & رفيع المنزل..


ابداااع منقطــع النظيـــر واصلواا وأنا أحد متنابعيــنكم ...

شكرا على المرور والمتابعة...........

[رفيع المنزل]

هذا الكلام اللي مع العربان = مافيه نار بلا دخاخيني
ماني بمنهو يختفي بلشان=الله هو الرازق ويغنيني

[رفيع المنزل]

شكرا يالجذع على التواصل