بعض المجالس محكم العقل توذيه

[علوم النشاما]

هذه القصيده عن المجلس والكرم والبشاشه في وجه الظيف

فترككم مع القصيده

بعض المجالس
المجلـس الــى مـايـقـدرك راعـيه = خـلـك عـزيز النفـس مـالـك ومـالـه

لاصـار ماحـطـة لجنـبــك مـراكـيه = تلـقـاء مـن خـيـار المـجالـس بـداله

مغـنيك ربك عن قهوته وشاهـيـه = دام الـمـعـزب مــايـسـرك قـبـالـــه

دور على مجلس الى جيت ناصيه = حصلت خمساً من شروط الـرجـالـه

تقــديــر فـي قلبـه وترحيب يبديه = وعـقــل وأدبــــ ومـبـهــراتٍ دلالــه

بعض المجالس محكم العقل توذيه = يلـقــى بــهــا شخصٍ كثيرٍ جداله

يفضــح لسانــه مايكنــه بخافــيــه = زودٍ عـلــى جـهـلـه سريع أنفعاله

في رايه ان العلـم عنـده وحـاويــه = لو كـان غـارق في محيط الجهاله

وفي رايــه ان النـاس لازم تخاويـه = ولـو فـيه فرصـه كـان كـبه ضلاله

شـخـص بلـيـا ديـن لاتعتـزي فـيـه = وسـمـع كـلامٍ بـنـدر سـرور قالـه

انا سـمـعـتـه واعـجـبـتـني معانيه = ( مـن لايخـاف الله حرامٍ حلاله )

شاعر القصيده / فهد بن هجاج الحربي

[صقرالحره]

صح لسان الحربي وبيض الله وجهك اخي علوم النشاما


لاهنت

[علوم النشاما]

صقر الحره
مشككككككككور اخوي على المرور