عبدالعزيز ابن جودان

[علي فلاح العضياني]

يا بن جودان وينك غايبٍ لك وقت ما شفناك=عسا ما شرّ والله يالرفيق مطوّل الغيبه
اظنّك رايحٍ يا صاحبي مع شلّتك ذولاك=هذا ظنّي وانا اعرف صاحبي واعرف هناديبه

التوقيع

(( رأس الحكمه مخافة الله ))

[عبدالعزيز بن جودان الرويس]

ابن جودان حاظر للمواقف لازهمته جاك=انا ماغبت يالفالح هنا في منتدى عتيبه
انا ماعرف يالفالح سوا اهل المعرفه شرواك=وابيك اتسد اذانك عن رجالٍ تحكي الغيبه

التوقيع

godan3@hotmail.com

[علي فلاح العضياني]

توكلنا على الله وانتبه لا يختلف ممشاك=انا اعرف الطريق اللي يابن جودان تمشيبه
انا خابرك طيّب مار تخلطها بحمض و راك=لكنّك طيعني وابعد عن الشكّات والريبه

[عبدالعزيز بن جودان الرويس]

تطيع ابليس يالفالح واظنه للقشرغواك=وظلمت اهل الوفا والمرجله والعز والهيبه
انا طيب واعرف العلم لكن انت من ينحاك=توحا في كلام الضايع ودايم تدوديبه

[علي فلاح العضياني]

لك الله لو اروح شوي حصلتك تحوم هناك=عسا ايا مك جميله كلها والخير تحريبه
مدام العلم ما يخفى عليه ما اعتقد يخفاك=يا خبل اللي يفتش فالعيوب وناسيٍ عيبه

[عبدالعزيز بن جودان الرويس]

يحوم الحر فالعليا وينضر في هذاه وذاك=ولا منك مشيت ابرفق ود العلم ثم جيبه
انا بنشدك يالفالح من اللي بالاْسم سماك=عزالله مانته بفالح مادامك جيت بمصيبه

[علي فلاح العضياني]

والا يالشاعر اللي صار معنايه على معناك=يقولون الرجال الحر يشبع من مخاليبه
تحاول تقلب الدعوى عليه بس ما يمداك=علاك الكوت تحت البشت تصبح به وتمسي به

[أبـــو مشـــعاب المطــيري]

الله الله الله



ابداع غير مستغرب





متاااااابع وصح ألسانكم

[علي فلاح العضياني]

المطيري لا هنت


على مرورك

[عبدالعزيز بن جودان الرويس]

انا ماني بمبلي وانت مبلي واحتمل بلواك=الا ياشيب راسك من صدوف الوقت ياشيبه
تراك ان جيتنا بالطيبه حنا بها نجزاك = وراع الطيب يالفالح نبا نجزاه في طيبه