هل المخالفات المرورية ضرائب ؟؟

[الثبيتي الروقي]

السلأم عليكم يالربع ..
المخالفات المروريه أصبحت هاجس لكثير من الشباب ومنعتهم من كثير من الإجراءات الرسميه مثل استخراج جوازات السفر وغيرها .. ووصلت بعض المخالفات إلى مبالغ تتجاوز الـ 20 ألف ريال . ونستطيع القول بأن أغلبية الشباب تورطوا فيها فنجد أن الرخصه مثلا مطوفه ولايستطيع تجديدها وعليه مبلغ وقدره وكل مايقابل نقطه تفتيش أخذ له مخالفه عدم تجديد رخصه ( فلا هو اللي جددها ولا هو اللي سلم من المخالفات ) . نبي رأيكم في هالموضوع وكل واحد يقول اللي عليه من مخالفات بكل صراحه ..
<<< بالنسبه له عليه 8 آلاف وخمس ميه ريال . والله المستعان

[مؤمن]

شكراً اخوي الثبيتي الروقي على المشاركه

من وجهة نظري المتواضعه اجد ان هناك فرق بين الضريبه والمخالفة فالضريبة تفرضها بعض الدول على شعوبها حسب ما تملك من مال او تجارة او اي املاك اخرى ولكن المخالفة فهي تفرض على من يخالف النظام المفروض من قبل السلطه لكون هذا النظام اي مخالفة له تضر بالاخرين فمثلاً من يقطع اشارة المرور يعرض حياته وحياة الاخرين للموت وكذالك السرعه والوقوف الخاطى يضر بتعطيل حركة الاخرين فالمخالفات ضرورية فلو فرضنا انه لاتوجد مخالفات فيكف ستكون حياة الناس ستكون مليئة بالفوضى والمشاكل واما بالنسبة لارتفاع المبالغ على بعض الاشخاص من المخالفات فهذا يعود عليه هو وعلى اهماله مما جعلها تتراكم عليه هذه المبالغ ولابد في يوم من الايام ان ينجبر ويدفع كل ما عليه من مخالفات.


اما بالنسبة حول سؤلك كم المخالفات التي علي فالحمد لله اخر مخالفه قبل اربع سنوات وكانت سرعة على خط القصيم وسددتها في نفس السنه.




لاهنت اخوي والله يعطيك العافية

[شيخ الشباب]

هل المخالفات المرورية ضرائب ؟؟

لالالالالالالالالالاتذكروني المخالفات تري ياكثر
مخالفات الذي عندي ااووووووووووووه
فلوس دفع الي ان قلت بس

[الثبيتي الروقي]

هلا فيك أخوي اثلث ..
بس أنا اقصد الفئة من الناس اللي اهملوا التسديد حتى تراكمت عليهم المبالغ فأصبحوا يأخذون مخالفات ماتستاهل مثل عدم تجديد الرخصه وعدم تجديد الاستمارة ( فأصبحوا مثل المتورطين لاهم اللي سددوا اللي عليهم ولا هم سلموا من ارتفاع المبلغ ) ..

[العاشق511]

انا بنسبه لي كانت على 2000 ريال قيمة مخالفات
وكتبت خطاب للاماره وقلتلم عن فروفي وناطالب
ما اقدر اسدد والحمد لله طاحت كلها
والحين علي مخالفه وحده
<<<< يستناها تكثر على شان يكتب خطاب ثاني

[أبو صقر]

والله انا اقول انها ضرائب بس مسماها يختلف
بدال ضرائب مخالفات
ولوتقراء مسميات بعض المخالفات ياقف شعر راسك تحس انهم مطلعينها بالخلط بس اهم شي تاخذ مخالفه .





تحيتي ..........

[زياد المغيري]

انا علي 1300 ريال

ولا في امل اسددها

هم طايحين في حرركه

لاجاء وقت الرواتب . سلموو كل عسكري وبالذااااااات "؟؟؟؟؟؟" دفتر مخالفات

ويالله صقع

دفتر ورا دفتر


ولاتستغرب بكره احد المشايخ جزاهم الله خير يصدر فتوى ان المخالفه مثل الدين ولازم الواحد يسددها

على العموم موضوعك مهم

ويكثر الكلام حوله

يعطيك العافيه

تقبل مروري

[! القاضي !]

والله انك صادق ياكثر ماعلي من القسايم انجيت اجدد استماره قالوا سدد وان جيت انقل ملكية سياره قالوا جدد

ربك يعين