رثاء للشغار في الشغار

[النابغه]

قصيدة رثاء في شيخ قبيلة الدماسين الشيخ ناصر بن متعب الشغار رحمه الله

الا يالله ياللي لاجلك التسبيح والتهليل=
رضيت بحكمتك وامنت بك وبمحكم التنزيل=
تميت وتحيي وترزق وتبقي وان اردت تزيل=
الا ياليل ياطولك وش اللي صار بك ياليل=
الا ياهيبه الهيلا واعوذ بربي من الويل=
عتيبه كلها تنعيك يالضرغام يالحلحيل=
خذف واد الرشا عقبك وظنوه العباد يسيل=
يابوفيحان هز الكون موتك والهموم تعيل=
حكومتنا تعزي فيك فقدك يالمهيل مهيل=
وقفت مع الملك عبدالعزيز تحارب التضليل=
على فعولك شهودا ماتبي شرحا ولاتدليل=
ترى كون سبله يشهد ويذكر عقب جيل لجيل=
وتشهد معركة نجران واهل المعركة والخيل=
ياجدي يافقيد العود الازرق والكرم والهيل=
وفقدك اللي منكل فيه دولاب الزمن تنكيل=
وفقدك المسجد اللي روضته عطرتها ترتيل=
وفقدك المعسر اللي ضده الوقت وعجز لايشيل=
الا يالنادر اللي حاز من كل العرب تبجيل=
رحمك الله ياشيخا غلاك اصدق من التمثيل=
واعزي فيك نفسي قبل اعزي فيك كل الجيل=
وعزانا ان الله الدايم ولا للعبد بامره حيل=
وعزانا عقب موتك في شيوخا يصدقون القيل=
والا يالله يا رب العباد منزل التنزيل=

الشاعر ناصر بن فيحان بن ناصر الشغار

[الغريب511]

الله يرحم الشيخ/ ناصر الشغار
وصح لسان الشاعر ناصر بن فيحان الشغار

والشيخ / ناصر فقيده مقول على الدماسين بال على الدماسين
والعضيان والروقه وبرقاء يعني عتيبه كافه ومن يعرف الشغار
من القبايل بالسعوديه والخليخ


مرحوم الشــــغار أمير الدماسين
انا أشهد انك للقبيله فقيده


أخوك /الــــــــــــــــــــــغريب511

[ناصر الحافي]

الله يرحم الشيخ ناصر بن متعب الشغار ويجعل عظامه فالجنه

وصح لسان ناصر بن فيحان على القصيده

[شامان]

بيّض الله وجهك ،، وصح لسان الشاعر ناصر ....
والله يرحم الشغار ،، ويسكنه فسيح جناته ......

[رويشد المورقي]

بيّض الله وجهك ،، وصح لسان الشاعر ناصر ....
والله يرحم الشغار ،، ويسكنه فسيح جناته ......



المورقي

[خيال الحرشازيود]

الله يرحمك يا الشغار
عز الله انا فقدنا رجال

[النابغه]

شكرا اخواني على الرد ولي طلب اللي يقدر ينسق القصيده مشكور

[النابغه]

الا يالله ياللي لاجلك التسبيح والتهليل = انا عبدك وابن عبدك ومؤمن بك بلا رده
رضيت بحكمتك وامنت بك وبمحكم التنزيل = ماحد باقي سواك وسر عبدك عالم بسده
تميت وتحيي وترزق وتبقي وان اردت تزيل = ماحد يقدر علىحكمك ولااحدا يقدر يرده
الا ياليل ياطولك وش اللي صار بك ياليل = سقط نجمك وغيهبت وظلامك زاد عن حده
الا ياهيبه الهيلا واعوذ بربي من الويل = الا ياضلع ىراسي غير حكم الله ماهده
عتيبه كلها تنعيك يالضرغام يالحلحيل= اشوف الناس عقبك كلا دموعه على خده
خذف واد الرشا عقبك وظنوه العباد يسيل = حشى والله هذا دمع البشر عقبك جذب مده
يابوفيحان هز الكون موتك والهموم تعيل = وسيف الحزن صارم كل صدرا صامدا هده
حكومتنا تعزي فيك فقدك يالمهيل مهيل = حكومتنا يخبرونك وكلا فعلك يعده
وقفت مع الملك عبدالعزيز تحارب التضليل = وساعدته على توحيد شعبه ساعه الشده
على فعولك شهودا ماتبي شرحا ولاتدليل = شهودا ثابته تبقى ولاتفنى مع المده
ترى كون سبله يشهد ويذكر عقب جيل لجيل = وفي كون الرغامه انت ممن حرروا جده
وتشهد معركة نجران واهل المعركة والخيل = على حد اليمن يوم الوطن ينخى حجى حده
ياجدي يافقيد العود الازرق والكرم والهيل = فقدك الجاه واهل الجاه والاقصين والبده
وفقدك اللي منكل فيه دولاب الزمن تنكيل= تحرى بك رجى لكن موتك هده ولده
وفقدك المسجد اللي روضته عطرتها ترتيل=وفقدك الحق الابلج والسعد وقلوبا موده
وفقدك المعسر اللي ضده الوقت وعجز لايشيل = وفقدك اللي عزيزا ذل والوقت الردي حده
الا يالنادر اللي حاز من كل العرب تبجيل = بفعله قبل لايكسب صديقه كاسبا ضده
رحمك الله ياشيخا غلاك اصدق من التمثيل = لك قلوب البشر تذكر غلاك بصمت وتوده
واعزي فيك نفسي قبل اعزي فيك كل الجيل = ياجدي والسعيد اللي يعرف ان السعد جده
وعزانا ان الله الدايم ولا للعبد بامره حيل = وعزانا انك تركت المجد للتاريخ يعتده
وعزانا عقب موتك في شيوخا يصدقون القيل = على نهجك وهم شرواك بالرده وبالهده
والا يالله يا رب العباد منزل التنزيل = نبي رحمتك في عبدا مخلصا كده