قلبي يحب الزين والزين مالوف

[نواف ابن ثعلي]

من قصائدالشاعرالكبير /سعيدبن مشعل بن عبدالهادي بن ثعلي

قلبي يحب الزين والزين مالوف=صبري من الغالي تبيح كنينه
تكفون ياهل الزين مافيه معروف=ماترحمون اللي فؤاده حزينه
على غزال ٍضامرالبطن ملهوف=كن القمربين الزرار وجبينه
ابا اتمقل من حلاياه وشوف=وان كان ماشفت الحبيب غبينه
عليه حالي من هالأيام منشوف=نشفة صميل القيض غادن دنيينه
ودي بشوفه ميرانا فيه مشفوف=حالوقرود الناس بيني وبينه
مابي عليهم من غرابيل وحسوف=لكن قشران العرب منشبينه
بنت الرجال اللي تنجي من الخوف=الطيب فيهم والكرم جامعينه
من كاملات الزين ماهيب ملفوف=عاقل ومن ذات العقول الرزينه
والعود لاعبج ولاهوب منحوف=لاهي دقاق ولاكلنج{ن} ٍمتينه
راعي هدب عينن على المجرمصفوف=صفة جنودن للوطن حارسينه
والبطن ضامركن مافيه مصروف=هافي حشا كل الوصايف ثمينه
لاوالله الا لافني بالهوى لوف=لفة مع الحذاف سيرالمكينه
علاه روحي لاحقه كل ماصوف=وأنا اسمي الصابر عسى الله يعينه
من لامني في حبها طاح مكتوف=بيدين عدوانه وهم كانفينه
يلومني فيها مساكين وضعوف=ناس طواريق الهوى جاهلينه
كم واحدن قلبه عن الحب ملفوف=مايعرفون الاالدبش حافظينه
وانا بحب الزين مغرم ومشعوف=لوهوا من اقصى حرب والاجهينه
يالربع ماترضون لي غبن وحفوف=قلب الضنين معلق ٍمع ضنينه
يشكي ويبكي حب غاليه ويشوف=كنه عليل الجوف طيلة سنينه
أبغى النسب ولكم مع الشكرمعروف=يوم الله اطلق من قرينن قرينه
لاسلت عن غيره ولاني بمكلوف=أنا على ديني وكل ٍودينه
وتسدني عن جملة البيض بالكوف=لوكان فيهنه من الزين عينه
ويصيرمرواحي ليا رحت مخلوف=سواة من زارالحرم والمدينه
وابأ استعي في داخل البيت واطوف=واشوف من عيني تبا شوف عينه
واللي خلق تفصيلها حافها حوف=خلق ٍعلى ماقيل ماشفت زينه
مغيرصدرمزرع التين وردوف=وعودٍ يشادي الموزعدله ولينه
وجديل ٍاشقرفوق الامتان منسوف=ذيل الاصيل اللي هله مطربينه
وليا لبسله مقطع فيه نفنوف=ياخذمعه قلب المولع رهينه
خطر ٍعلى من شافها بالنظرشوف=يسبق عليه الموت قدام حينه

[ابن معيض]

قصيده رائعه

صح لساااانك ولسان قائلها

لا هنت

تقبل جل احترامي وتقديري

اخوك

ابن معيض

[الحزيمي2000]

أبداً ليست رائـعة




بل هي أروع من الرائعة

تكفون ياهل الزين مافيه معروف ماترحمون اللي فؤاده حزينه
على غزال ٍضامر البطن ملهوف كن القمر بين الزرار وجبينه

[ابوبجاد الرويس]

مشكور

ويعطيك العافيه

وصح لسان الشاعر