اقرب شاعر ياعزوتي

[ابو سطام]

ياسلام الله سلامن كما البدر المنير
وفيه ورد وشوك (والنار من شبابها)
انتبه يالحاشي ابعد ولاتقرب بعير
ثم تجي مدهوك(والنار من شبابها)

[زحل]

مرحبا ترحيبتن نصف شر ونصف خير=كانهم وصوك والنارمن شبابها
جاك صياد الحباري وقناصن خطير=العدو علوك والنار من شبابها

[ابو سطام]

البقا بالشاعر اللي يجيب من الغدير
والبحر مصكوك (والنار من شبابها)
جاك مني ياصحيبي علامات وندير
والعرب غروك (والنار من شبابها)

[زحل]

العرب قالوا ياشين الرغاء بعدالهدير=هاكذا سموك والنار من شبابها
ماوردنا البير ياهيه بالحبل القصير=كان هم عدوك والنار من شبابها

[ابو سطام]

والله إنا ندحر الخصم بالسيف الشطير
والكرم بصكوك (والنار من شبابها)
شي عادي تختلف ياصحيبي فالاخير
وانظروا فالبوك(والنار من شبابها)

[زحل]

الله يخليك ياصاحب العقل الصغير=وسط حظن أبوك والنار من شبابها
انت مثل اللي خلاف العرب ورد والصدير=والزمن مبروك والنارمن شبابها

[ابو سطام]

انت ضايع يازحل والرحا فوقك تدير
والعرب شاتوك(والنار من شبابها )
القوافي عندنا مثل طيرن ما يطير
هاتلي ثم دوك(والنار من شبابها)

[ابو سطام]

تشرفنا بالعب معك يازحل والعدر لاجاك منا خطا واظاهر انك جديد فالمنتدى وانا جديدفالمنتدى وتكامخنا في هاصبح والمشرفين ارقود ما وحينا حساسهم

[السميــــــري]

..

.
الله
الله
مبدأ
كايف
ياشعااااار

ابو سطام صح لسانك
ولاهنت

..
زحل
ردود وافيه وصح لسانك


تقبلوا تحياتي
السميــــــــري

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[زحل]

مالك ومال الخشونه يالاباس الحرير=العرب دا سوك والنار من شبابها
الفرزدق مايهمه على خصمه جرير=من عيال ملوك والنار من شبابها