اللي له شف يلعب يتفضل يالربع !!!

[عبد الله القحطاني]

السلام عليكم ورحمة الله وبركاته

صبحكم الله بالخير

أشوف المتواجدين كثير ماشاء الله

واللي وده يلعب يتفضل

ياسلام الله على اللي يروون السلال = عزوتن من ماضي الوقت هذا حالها
من هجوسي راسيه مثل ماترسي الجبال = ياعتيبه عزوة(ن) والفخر يبرى لها

[خـالد الحافـي]

هلابك ياعز الرفيق


واستلم



مرحبابك بين ربعك بني عم ، ن ، وخاال ___ عزوتن ياعز ترفعها قديم افعالهاا

ربعك عتيبه الهاااله وفيين الخصاااااال ـــــــــ والشرف للقبيله من فـعول رجالها


----------

[عبد الله القحطاني]

خالد

حياك الله والساعه المباركة اللي العب معك فيها

البقا ياللي ترحب بعد جالك مجال = والآوادم ماعرف عمها من خالها
عزوتي ياخالد عيال عود (ن) في القتال = أقحطان أهل الفعل ماشرب فنجالها

[عايض الدوسري]

واصلوا وحنا متابعين

ونعم بعيال العود وعتيبه

[عبد الله القحطاني]

عايض الدوسري

أررررررحب والله يحييك عطر الصفحه يالقرم

ولا عليكم زود يا لآد زايد

[خـالد الحافـي]

السلام عليكم
أنا واحد دخلت مقهى أنرنت
لقيت المنتدى في وجهي
ياليت تقولو لخالد الحافي (ثاني مرة أذا جيت بتطلع سجل خروج .لو طايحه في يد واحد ثاني كان كتب وسب فيكم ألين يشبع واللي راح بنكب خويكم )

[خوي السعد]

بعد اذن اخوي خالد
مرحبا يابن الشايب في محلك وبين اخوانك

مرحبابك يالمسلم عدد مبدا الهلال = في حلال ٍ تكرم الضيف ساعة جالها
يابن قحطان اقلط اقلط على صفر الدلال = من بعدها بنت ابو زيد منهو خالها

[عبد الله القحطاني]

المشاركة الأصلية كتبت بواسطة خوي (السعد)

بعد اذن اخوي خالد
مرحبا يابن الشايب في محلك وبين اخوانك

مرحبابك يالمسلم عدد مبدا الهلال = في حلال ٍ تكرم الضيف ساعة جالها
يابن قحطان اقلط اقلط على صفر الدلال = من بعدها بنت ابو زيد منهو خالها

خوي السعد

هلابك والمرحب يبقا ياطويل العمر

أنا أنتظرت خالد ولا رد وأظطريت أطلع من المنتدى وتوني الآن شايف ردك

وعلى العموم كلكم تسدون اللزوم

وأستلم طال عمرك

البقا بك يالعتيبي بعد صار الجدال = فالديار اللي على الناس يشكى لحالها
بعد جينا ياعتيبه نبا هرج الرجال = أعترض للحمله بعير ثم أشتالها

[خـالد الحافـي]

يعطيك العافيه ياللي لقيت المنتدى في وجهك زين ماتصادمت انت وياااه

ههههههههههههههههه


عموماً المعذره ياعز الخوي فعلاً انا كنت في مقهى وجاني اتصال ضروري وطلعت مستعجل وهذا اللي صار .. ولي الشرف باللعب معك .. وخوي السعد يسد اللزوم

واصلوو وحنا متابعين وفي الصف

[خوي السعد]

للديار ارجالها كان بعض الهرج طال = والعلوم الكايده نعرف اللي نالها
ياقحطاني كان تبغا العلوم اقرب تعال = والعلوم يبرهن الفعل رجل ٍ قالها