مامثل اخوك اللي يحبك ويغليك - الهيـــــــــــــلا *** منتدى قبيلة عتيبة

نواف2007 · 17-Apr-2006, 01:29 PM

--------------------------------------------------------------------------------

إهداء إلى ,,,,
كل من نزغ الشيطان بينه وبين أخيه ونسي أن العمر يمضي ,,
وكل شيء إلى زوال وأن خيرهما الذي يبدأ بالسلام

الناس واجد مير ما مثل الاخـوان
ما مثل اخوك اللي يحبـك ويغليـك

ما مثل اخوك اللي صدوق ومعوان
تفديـه بالغالـي وبالـروح يفديـك

يشكي لك جروحه وهمه والاحزان
ولا ضاقت الدنيـا بهمـك يواسيـك

لو كان لك ربعٍ ونـاسٍ وجيـران
ما مثل اخوك اللي عن الناس يغنيك

أخوك هو عزك ولو كان ما كـان
يبيع كل النـاس لأجلـك ويشريـك

أنا أشهد أنه لك على الصدر نيشان
تاجٍ علـى راسـك وستـر يغطيـك

وانا اشهد انه مـا يثاقـل بميـزان
مثل الذهب والماس مافيـه تشكيـك

وانا اشهد إنه مـا يقـدر بالاثمـان
عن العـدو حصـن ودرع يوقيـك

إيـاك لا تفتـح طريـق لشيطـان
بينـك وبينـه جعـل ربـي ينجيـك

ولا تستمع لاجاك عـلان وفـلان
يا كثر ما تسمع مـن اللـي يعاديـك

ولا تجعل لغيرك على العقل سلطان
ترى كثير اللـي بشـوره يدهويـك

ترى الدهر دوار يا سرع الأزمـان
يـومٍ تواريـه الثـرى أو يواريـك

تقول يا ليت الـذي كـان ماكـان
يا ليتنـي بالقبـر جنبـك واخاويـك

يا ليتك تعود واضمـك بالاحضـان
أضمـك لصـدري واقبـل أياديـك

يا ليتك تعود تـرى القلـب ندمـان
وده يسوق المعـذرة ثـم يراضيـك

مير البلا يا ليت مـاردت إنسـان
ويا ليت ما تمحي ظلام بمـا ضيـك

تماكن الدنيـا وواصـل بالاحسـان
قبل النـدم يطويـك والهـم يبريـك

ونهاية المشوار ما غيـر الاكفـان
ويبقى مع السارين ذكرك وطاريـك

منقوووووووووووووول