حلــــم النداوي.....لشاعر سلمان بن عزيز بن مروي

[مركز المعلومات]

ياراكب اللي صممه هاوي البر=مجهزٍ للبر برده وحره
رقم الجمارك توه اليوم يصدر =منوة حضيضٍ دق سلفه وفره
جيبِ شبح غرنوق لا اشهب ولا احمرَ= ماخاف سواقه من اللي يمره
زود من الشرطة جهازِ مشفرَ = بعيد المدى والمورس وسطه يذره
قرب كلاشنكوف والماص الأشقرَ= الجيب جاهز والهدف ما يغره
عليه قرمِ بالمهمات يشكر=عطه الجواب ولا توصيه مره
يسري قبل ما نجمة الصبح تظهر =لانام خال البال شغل وسره
وجه شمالِ من الرياض وتياسرَ= خطِ يحط حريملا في ممره
ثم رغبة ثم القصب لا تقهقر= اترك بعد شقراء مطب تمره
تعد بن سبتي وحاسب وناظر=قدامك المفرق يمين وتحره
تقرا على اللوحه عسيله وساجر =اللي نفود السر هي ساس سره
احذف عسيلة في يمينك وناحر =واخفض من السرعة وبالك تضره
وإن جاتك السيدين فالسرعة اقصر=واحرص على سوق الذهب لا تغره
على اليسار ادخل مع السوق واظهر =واخذ يمين يسار والحوش مره
تمر لك وادي وكبري مكسر =بعده محطة والمطاب المكره
ثم مفرق ام سليم الإيسر معه سر=تخطها بأمان والشاص زره
خل الرفيعة يسار والفكر حظر =ثم احتزم بالماص الأشقر وشره
بشويش كيلو تنظر بيوت وحجر= الديره اللي صاحبي هي مقره
بتل إلى المسجد شويه ثم إنظر =على يمينك بيت راعي المبره
وليا وصلت البيت ولع وعمَر=وقل وين ابو محمد عسى الله يدره
تسمع هلا يا مرحبا قبل يحظرَ=وليا حظر زاد التحايا مسره
عطه الجواب اللي معك لا تأخر =لو يعزمك بعض العزايم مضره
القدر وسط الصدر والرجل يخبر =ما ينقصه بالطيب مثقال ذره
قله رفيقك قاتل الوقت الأقشر =حلم النداوي فرخ في وكر حره

[فواز الشيباني]

قله رفيقك قاتل الوقت الأقشر
حلم النداوي فرخ في وكر حره

صح السان الشاعر سلمان

الله يعطيك العافيه على النقل الرائع

[فيصل المسعودي]

نقل طيب


ورائع


تشكر عليه


ابداع


تحياتي

[مركز المعلومات]

الاخ فواز الشيباني
صح بدنك
والله لايهينك يالغالي

تحيااااااااااااااااتي
اخوك المـــــــروي

[مركز المعلومات]

الاخ فيصل المســــعودي
اشكرك على مرورك يالغاااااااالي
تحيااااااااااااتي
اخوك المـــــــروي

[ابـن نـعـيـس]

قله رفيقك قاتل الوقت الأقشر =حلم النداوي فرخ في وكر حره

رائعه من رائع

لاهنت يالغالي

تحيااااااااااااااااااااااااااااااااااتي

التوقيع

[الجباري]

مشكووووووور
وبيض الله وجهك

[ابن مروي]

صح لسانك ولسان الشاعر/ سلمان بن عزيز بن لبدان .

[السافري]

السلام عليكم ورحمة الله وبركاته‘‘‘‘‘‘‘‘

صح لسان الشاعر .... ومشكور اخوي المروي على هذا النقل الرائع ....
لاتبخل علينا بجديد الشاعر ‘ وشكرا لك.....

اخـــــــــوكــــــــ/ الـــــســــــــافـــــــــــري

[مركز المعلومات]

صح بدنك اخوي السافري
ومشكور على مرورك

تحيااااااااااااااااااااااااااااتي،،،،