اعذارنا تمسح وجيه المشاريه

[فيصل المسعودي]

ســــــعــــــود الــــــدهــــــيــــــمــــــي

رحنا من الدمـام غصـبٍ علينـا = ولاّغلا الدمام فـي قلـب مغليـه
غلاه ماجا لاجـل ساحـل ومينـا = غلاه والله من غـلا واحـدٍ فيـه
اللي معه باحـلا الغـرام ابتدينـا = مبدٍ على عـز وطهـاره وتنزيـه
صفت لنا غبـر السنيـن وهوينـا = وكلٍ شرب من منبع الحب صافيه
وذقنـا ملـذات الهـوى واهتنينـا = قلبـه يدارينـي وقلبـي يداريـه
وخذنا على حسب الوصول وعطينا = يرجي مقابيل الليالي وانا ارجيـه
خانـوا محرّفـة الغـرام ووفينـا =وقمناعلى قصر الهوى الذرب نبنيه
لين ارتفع جدره ووسطـه ربينـا =الطهر فرشـه والكرامـه تفييـه
ولاقد على فرش الدناعـه وطينـا =كلٍ على فرش الطهـاره مواطيـه
نثني المـزوح الطاهـره لاغوينـا = ماهوب مزحٍ بالخفـا فيـه مافيـه
واليا زعلنا مـن بعضنـا رضينـا = اعذارنا تمسـح وجيـه المشاريـه
واليـا تباطينـا بعضنـا عنيـنـا = كلٍ يبـا يسبـق حبيبـه ويرضيـه
ودارت علينـا الدايـره مادرينـا = الاّ وكـلٍ لـه طريـقٍ بيعطـيـه
قمنـا وحاولنـا ورحنـا وجيـنـا = لين انقطع حبل الرجا من عراويـه
واليوم من عقـب الـوداد انتهينـا = وهذا الزمن لاشان ماحـدٍ يقاويـه
لـو البكـا ينفـع بعضنـا بكينـا = وكلٍ قعد يشكي للاخـر مشاكيـه
لاكـن تمنعنـا الشيـم لانويـنـا = وكم عاشقٍ زيد انحرم من مناويـه
وعقب اقتنعنا بالظـروف وقضينـا = كـلٍ دعـى للاخـر الله يهنـيـه
وكـان الهنـا مايقبـل الاّحديـنـا = جعله هنيٍ في حياته وانـا افديـه
هذا جزاء اللي يـوم رحنـا يبينـا = مير الزمان احتدني عنـه لاجيـه

[فواز الشيباني]

اخي فيصل المسعودي

صح السانك والسان الشاعر الدهيمي

نقل رائع الله يعطيك العافيه

[ابـن نـعـيـس]

فيصل المسعودي

صح السانك والسان الشاعر الدهيمي


الله يعطيك العافيه

تحياااااااااااااااااااااااااااااااااااتي

التوقيع

[((الدلبحي))]

صح السانك والسان الدهيمي

ماقصرت

تحياااااااااااااااااااااااااااااااااااتي

[تاج السلاطين]

اخوي فيصل

اختيارك للقصيده كان اكثر من رائع.. سلمت ريمينك..
وصح لسانك ولسان الدهيمي.. ولاعدمناكم جميع.

تقبل تحياااااااااااااااااتي