قصه حزينه في قصيده رائعه .....؟ - الهيـــــــــــــلا *** منتدى قبيلة عتيبة

الــوآفــي · 23-Sep-2005, 03:23 PM

قصيدة رائعه ارسلها لي الاخ الشاعر محمد المطيري وبغيتكم تشاركوني في قرائتها

اتمنى ان ارى ردودكم الرائعه

بسم الله نبدا :-

هذي حكايه والبدايه ياأفاضل ياكرام

كان ياماكان في ماض الزمان وحاضره

كان فيه انسان حظه لايباع ولايسام

ماعرف ويش السعاده والليالي جايره

لو تبسّم يعرف ان الحزن بعد الأبتسام

لو تناسى تالي همومه ،، الاول ذاكره

لو تذكر فرحةٍ من ذكرها الخفاق هام

قالت الفرحه انا ياهيه ماني خابره

يمشي بْدربٍ يظنه يوصل لبر السلام

للأسف يلقى المشاكل والمصايب بآخره

كل مايبني أمل يصبح مصيره للهدام

والحقيقه ياعرب تسنه يدور بدايره

من كثر ماهو مبهذل صار اسمه ياحرام

عزتي للي سواته كيف يجبر خاطره؟

جاه زاير والبشاره ورث يوم الحظ قام

مالقى له من وريث الا اللذي جا زايره

قال خذ ذوق الفرح والعز من بعد الصيام

وريح عيونٍ تهامل من شقاها ساهره

قال يازين الفرح حان وقت الانتقام

منك ياهمٍّ براكينه عليًّه ثايره

انتهت كل المشاكل بدد النور الظلام

وامتلى حسابٍ على السالب ظروفه قاهره

ودي اسافر وابيها سفرتي في كل عام

للبلاد المسلمه ثم للبلاد الكافره

اقضي ايامي سياحه وانسى شي اسمه دوام

ومن بغاني ينتظرني عند باب الطايره

قال له راع البشاره باقيٍ عندي كلام

وقام يشرح قصة البشرى وقام يسايره

يوم شافه مافهم قال ملعون الرّسَام

عايز نـْذيع او بلاش بص شوف الكامره

انصدم من هول ماصابه وانا اشهد مايلام

طقت فيوزات عقله ثم تفرقع وايره

قصةٍ منها يشيب الورع في وقت الفطام

من سبايب واحدٍ فيه الليالي بايره

تمت القصه ومجموع الأرانب بالتمام

ومن يكذبني تراني ياجماعه عاذره

وسلامتكم

اخوكم ذيبان

التوقيع