ألا يالهبوب الباردة عجَلي هبي

[فواز الشيباني]

سعد بن جدلان

شاعر معروف

لايحتاج لتعريف مني



ألا يالهبوب الباردة عجَلي هبي ---على جاش من قامت هواجيسه أتلوبه
أنا مرةٍ أصحى ومره يغيبي ---وأسَرح معا كثر الطواري بغيبوبه
ألا يادهر ماهو بحقٍ تلاعبي--- وخليتني لمقَرد الخلق لعبوبه
أعبادٍ مغفلها الزمان وتعجبي--- يحسبون قل المال فالرجل عذروبه
وأنا قانعٍ باللي علي كاتبه ربي--- ومومن بمقدوره وقانع بمكتوبه
ولا أبغى عما الاريا برايه يجربي--- وهو ماعرف ماجوب ربي وماجوبه
هذور المجالس راعي المدح والسَبي--- وهو بالخلا لو جاه بنتٍ خذت ثوبه
يقولون لي جز من تصرفك وتحَبي--- وهي توبتي من مجتمعهم هي التوبه
ديار الوباء من طبها راح متوبَي--- وقرَابة الجرباء على الحول مجروبه
أنا عارفٍ منصاي إلا من بدانبَي--- وعارف طريقي والذي باتجه صوبه
وأنا أعرف من أعادي وأنا أعرف من أحبَي--- وبه ناس لاتعرف ولاهي بمحبوبه




اعجبتني ولطشتها

[((الدلبحي))]

تسلم على لطشك لاكن القصيده سبق وان نشرت فالمنتدى


تحياااااااااااااااااااااتي

[فيصل المسعودي]

صح لسان بن جدلان


وتشكر على لطشها يالغالي


لك تحياتي

[فواز الشيباني]

	اخي فيصل المسعودي الف شكر على مرورك الكريم ياغالى

[ابـن نـعـيـس]

صح لسانك ولسان ابن جدلان


ولاهنت على النقل


تحيااااااااااااااتي

التوقيع

[فواز الشيباني]

اخي ابن نعيس مشكورولاهنت ويعطيك العافيه

[عجاج الليل]

ههههههههههههههههههههههههههههههههههههههههههههههه

طيب لاتفضحون في الرجال وجاملوه ليش يالدلبجي تقول انها لطشها


الرجال وضح وعرف صاحب القصيده اظن مافيها شي لو رديتوا عليه بأسلوب اكثر مرونه ..

تحياتي ياشيباني لا عاد تلطش .. هههههههههههههههههههههههههههههه

[فواز الشيباني]

اخي عجاج الليل مشكور على المرور