ياسلام الله سلامن بارقه يسبق غشينه

[عبدالله قطنان القوبع]

قصيدتي التي القيتها في حفل تكريم الشاعرضيف الله عماش العضياني

ياسلام الله سلامن بارقه يسبق غشينه=يستمد من السحاب اليا نشى قوت سلامه
السحاب اللي ليامنه نشى فوق المدينه=تلتفت له كل عين وترتفع له كل هامه
لادعاني ماقفي اصير للماقف رهينه=والرجل من غير ماقف نساْل الله فالسلامه
يوم ابن قطنان غنا جابها دره ثمينه=ماصنعها من فراغ ولاصنعها من غشامه
مبهره بالزعفران ومفعمه بالياسمينه=مفعمه بالياسمينه وسط روض من الخزامه
من هواجيس الضمايرللحفل ومشرفينه=كنها تزرع صحاري نجد وتعانق تهامه
الشيوخ ايطالعونه والصفوف مطوقينه=والبناخي ينتظر خاله يبا يسمع كلامه
اسمعوها من حماسي اسمعوها في سكينه=ياعروس البحرالاحمرغطرفي فخروفخامه
فحتفال الشاعر اللي كلبونا خابرينه=شاعرالحكام مثل اللي حظر حرب الرغامه
من غلاته والله انا فالضمايرمحتوينه=محتوينه فالضماير ذروت الطيب وسنامه
شرف العتبان فالميقاف والله لايهينه=بسم ربعه والنعم يوم احتزم جود حزامه
قام يسندها على هداج تسلم لي يمينه=كل شعره في زعيم الشعب يحسب له زعامه
ماتخاذل يوم شاف الموج يلعب بالسفينه=لوتخاذل قال دلوني على درب السلامه
مايهاب الموج لامنه رطن يرطن رطينه=ثابتن مثل الجبل والناس تدري عن مقامه
اثرابن عماش له عقلين وعيونه فطينه=يطرح اللي فالشداد ويطرح اللي فالمسامه
صيرمين سطوته بانت على وجهه وعينه=مايهاب الكايده لوهي على سطح الغمامه
صامل الزندين رجلن حافظن عقله ودينه=لادعاه الماقف الغصاب ماتبرد عظامه
لاغرابه ربعه العتبان وقفتهم رزينه=يعني انت عتيبي ارفع راسك وكلك صرامه
ياعتيبه فعلنا المشهور حنا عارفينه=نلطم العايل ونكرم ضيفنا مامن ملامه
محتمين الماقف الغصاب حنا محتمينه=من بدايت يوم للعتبان لايوم القيامه
من عوايدنا مانجرح واحدن يرفع يدينه=والعتيبي لونحرته مايموج عن الشهامه
ننكرالارهاب والتدمير فالماقف ندينه=نعتبر من يسكف دمي البشر ظلم ورخامه
والقبايل فالمواقف كلها دروعن حصينه=في جنوب المملكه والغرب مع شرقه وشامه
كل دار رجالها مثل الاسد يحمى عرينه=شعبن الله مبعدن عنه الضعافه والرخامه
تحت حكم الدوله اللي حكمها بيدي امينه=البلد شرع الله وسنة نبي الله نظامه
يالله احفظ قايد الامه ومدد في سنينه=المليك اللي عطانا الله حبه وحترامه
يالله ارحم كل مسلم يالله ارحم والدينه=يالله اجعل كل شعب المملكه في امن وسلامه

[عثمان الثبيتي]

صح السانك ياعبد الله وانته كفو وعتيبه يستاهلون المدح
والشاعر ضيف الله يستاهل اكثر حقق انجاز كبير
ويستاهل التكريم ابو حاتم والله انه كفو

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

آخر تعديل عثمان الثبيتي يوم 27-Feb-2012 في 09:56 PM.

[عبدالله قطنان القوبع]

المشاركة الأصلية كتبت بواسطة عثمان الثبيتي

صح السانك ياعبد الله وانته كفو وعتيبه يستاهلون المدح
والشاعر ضيف الله يستاهل اكثر حقق انجاز كبير
ويستاهل التكريم ابو حاتم والله انه كفو

صح بدنك ياعثمان
وماعليك زود طال عمرك

[عثمان الثبيتي]

صح السانك ياعبد الله وانته كفو وعتيبه يستاهلون المدح
والشاعر ضيف الله يستاهل اكثر حقق اجاز كبير
ويستاهل التكريم ابو حاتم والله انه كفو

[حمود بن خيشوم العصيمي]

صح لسانك

قصيدة جزله من جزل

لاهنت

[عبدالله قطنان القوبع]

المشاركة الأصلية كتبت بواسطة حمود بن خيشوم العصيمي

صح لسانك

قصيدة جزله من جزل

لاهنت

صح بدنك ماعليك زود طال عمرك

[أبو أيوب الغامدي]

صح لسانك
قصيده جزلة من رجال جزل
وعتيبة تستاهل

[عبدالله قطنان القوبع]

المشاركة الأصلية كتبت بواسطة أبو أيوب الغامدي

صح لسانك
قصيده جزلة من رجال جزل
وعتيبة تستاهل

صــح بدنك الجزل مرورك الطيب
ماعليك زود طال عمرك تحياتي وتقديري لك

[ذعير العالي]

صح الساااااااااااااااااانك

وضيف الله يستااااااااهل

[عبدالله قطنان القوبع]

المشاركة الأصلية كتبت بواسطة ذعير العالي

صح الساااااااااااااااااانك

وضيف الله يستااااااااهل

صـــح بدنــك