حبيب العازمي وفلاح الحنان فتل ونقض

[قاسي العتيبي]

[COLOR="Sienna"]

حبيب العازمي
هلا يامرحبا والعيد واحد والفرح عيدين=وشرفنا حضورٍ في محل طوال الأيماني
وأنا الليلة معي سيفٍ على الشعار له حدين=أجرب حده الأول وأجرب حده الثاني

فلاح الحنان
يدوم لك البقاء يلي ترحب جعل فالك زين=ألا يازين مردود البرى مابين شجعاني
عسى عيدك يعود ومن سمع وتعود معه سنين=وأنا وأنته على الدنيا تدورني وتلقاني

حبيب العازمي
ترا رد البرى مضمون لو إني غدأ لي دين=لكني ماغدأ لي دين عند فلان وفلاني
أنا وأنته على الدنيا مثل باشا وعلي حسين=كبنك رجل حنّاني وأنا مانيب حنّاني

فلاح الحنان
أجل مشتال سيفك ياولد عازم ورايح وين=مادام إنك غني مافيه دين ولاش دياني
تركنا علمنا في ربعنا الغالين عام ألفين=ومن بعده طرأ علمٍ على هاجوس الأنساني

حبيب العازمي
غزانا مع أول الغازين وأنته فأوسط الغازين=وذا الحينه ليا مريت مسرع ماتعداني
وألا ياسبيع جتكم حبحبة حمراء على السكين=وقلتوا قنبلة يمكن تبيد الناس من داني

فلاح الحنان
أحسب إنك منول تلعب اللعبة على الحبلين=وأثرك اللي على مقطار واحد يالعريباني
أنا مالي ومال الناس لا صاروا بها راضين=أشوف الحبحبة وبطينها بالحب ملياني

حبيب العازمي
أنا مانيب أبو وجهين ياطلاب أبو وجهين=هذاك صحيبك اللي تجرته كرزين دخاني
مادام اللي زرعها من سبيع يعلم الباقين=أنا ما أقول غير أخوك لاجيته ولاجاني

فلاح الحنان
ذهبنا ياذهبنا لاتعود شمع وبلاتين=ترا مال الحمول ألا جملها يابليهاني
تحسب إنا نبا نعفيك وأنته من رجال الدين=زرعت الحبحبة قدامنا في ذيك الأزماني

حبيب العازمي
وألا يالباب أبو ضبة وألا يالباب أبو قفلين=مفاتيحك غدت في منطقة غامد وزهراني
ياكثر اللي على بالي لكن أحسب لها بعدين=حرامٍ من حزامي ماتحرك روس عدواني

فلاح الحنان
تذكرني علومٍ قد نسيناها لها عامين=وقف من دونها جيش المريكي والبريطاني
نبا نجمع جماعتنا نبا ندحم على الجنبين=وأبا ألبسك تاج المعرفة كان الله أحياني

حبيب العازمي
كحلت الرمش فوق العين طال الرمش فوق العين=بكحلٍ مختلف ماهو كحل مدعوج الأعياني
كثر خيرك مابي لك تاج لابكرة ولا هالحين=أنا تاجي على رأسي ورثته بعد جداني

فلاح الحنان
يدورن الليالي والدهر يمشي بلا رجلين=بغيت أصبح مع أهل الشرق لكن ليلهم جاني

آخر تعديل قاسي العتيبي يوم 17-Sep-2011 في 02:38 AM.

[محمد الذيابـــي]

,’


طاروق مميز



مشكور ياقاسي فانت مميز أيضاً.


تقبل تحيتي.


,’

التوقيع

التوقيع محمد الذيابـــي

[فيصل بن فهد الجهني]

أحسب إنك منول تلعب اللعبة على الحبلين=وأثرك اللي على مقطار واحد يالعريباني



بيت قوي جدا من الحنان


محاوره جميله .. اكتملت فيها فنون المحاوره في الفتل والنقض و الرمزيه



لا هنت يا الذيب

[قاسي العتيبي]

محمد الذيابي - فيصل الجهني
مشكورين على مروركم الكريم

[صريح وجريح]

بيض الله وجهك محاوره اكثر من رائعه

يعجبني الحنان كلامه دايم حلووو ولا يهون حبيب

نقض ذكي من الحنان يوم يقول :

أجل مشتال سيفك ياولد عازم ورايح وين=مادام إنك غني مافيه دين ولاش دياني

ودمتم سالمين