بسم الله الرحمن الرحيم
السلام عليكم ورحمت الله وبركاته
اقام الشيخ مناحي بن جدي بن زريبة رئيس مركز الزربان حفله غداء عند ذوده في الشمال لشيوخ قبيله حرب في تاريخ 11/3/1431ومن شيوخ عتيبه
ومنهمالشيخ بدربن محماس الشغار
والشيخ فيحان بن سلطان الشغار
والشيخ ناصر بن سلطان الشغار
والشيخ هايف الرقاص
والشيخ غالب بن زريبه
والشيخ ماجد بن ربيعان
والشيخ مطر القوس
والشاعر تراحيب بن سويلم العازمي
وضيف الله بن سويلم العازمي
ومحيل بن سويلم العازميوغيرهم من الكثير
قصيده ترحيبيه يلقيها الشاعر يوسف بن حمود الجذع
الاوله ابدا بذكر اللـي الـه اسعـى واطـوف=واخشاه وادخل في بيوته خوف واصلـي بهـا
واسجد لوجهه واشكره وارفع له بطون الكفوف=وادعي دعاة كـل مسلـم فالزمـن يدعيبهـا
ياالله تزرع في قلوب محاربين الديـن خـوف=آمين يـا مـن تعلـم الدنيـا وتعلـم غيبهـا
وتحط من يسعون للتخريب في عيـن تشـوف=وتسلَّط الدولـه علـى منهـو يبـا تخريبهـا
وتجعل جهدنا يا ولي العرش والكون مخلـوف=وتهـدي بصايرنـا لمخـرج سكـة نمشيبهـا
والثانية عـداد مـا هلـت هماليـل القنـوف=ليا طرَّحت عنها العوالـي والرعـد يوحيبهـا
المدلهمات الحقـاق اللـي عوايرهـا وقـوف=تامربها قـدرة ولـي العـرش واتنهـي بهـا
يا مرحبا يا شيوخ حرب اهل البيارق والسيوف=قـوم تجملهـا فعايلهـا ويـعـرف طيبـهـا
ياهل المواقف سالم مسروح يا ستر الهنـوف=في ساعة يعرف بها طيب الرجـال و عيبهـا
من حد حرب اهل القصيم ليا القرا واديار عوف=تسرح تحت هيبات حرب القـود وتفلـي بهـا
تفضلوا عند الامير اللي ليـا جـوه الضيـوف=من عادتـه ايقلـط الضيفـان ويهلـي بهـا
للجود مقيال وذرا وعن الردى نفسه عـزوف=والطيبـه يدفـع عليهـا المـال ويناديبـهـا
يقدم الجزله كرم ما يلحـق الجزلـه حسـوف=والطيب عيطا والرجـال اهـل الوفـا تبديبهـا
من السخا يذبح جمل قـدام لايذبـح خـروف=واللي ما تصخيها العرب لجل الكرم يصخيبهـا
شيخ الشيوخ ليا حضر وابو الارامل والضعوف=والعين عن عوجا الرفيـق البينـه يغضيبهـا
واللي ما حاش الطيب مثله في لياليه محـذوف=ويمنىً ما ذكرت بالكرم والجود يفـرا جيبهـا
راعي شداد مـا تظويـه التمانـي والشفـوف=ماجابـه الا قـدح راي وقـالـة يوفيبـهـا
هذا مناحي ما اخذ الشيخه عطا والا معـروف=الا بحـد المرهـفـات وبـنـدق يرميبـهـا
حاش المراجل كلها رغم المصاعب والظـروف=ولا لد عينه للظـروف ولا حسـب لصعيبهـا
راس تهوش بهيبته روس المناكـب والكتـوف=أمارتـه تفخربهـا العتبـان وتمـا ريبـهـا
ولد جدي سمي جده فالسنـام عـن الـردوف=من راس من ثبت قواعدهـا وسمـا صيبهـا
زريب راع الاوله يـوم المشاكـل والحفـوف=ساق الجمل في نجد لين انـه نـزل فشعيبهـا
يضرب بشلفا حدها يفـرا الترايـب والدفـوف=يعشي بها سبـع الخـلا الجيعـان ويغديبهـا
والا برمح زرقته مظرابهـا فـي كـل جـوف=اللي قظا منهـا قظـا واللـي سلـم يبطيبهـا
وان راح يم الجد الاخر محتمي حـم الشعـوف=القر مشبع ضبعـة الهضبـه ومشبـع ذيبهـا
مفـرش سهـوه سنافييـن والثالـث لحـوف=والرابع اللي كلتـه الخوصـه قـدم ياعيبهـا
بعد لحقهم في غزال الضلع من عقب الغسوف=هجاد ليـل وحبـة البنـدق علـى تصويبهـا
حنا الجبال اللي ما تخلفها الهبايب والشعـوف=والا الغصون ادنا هبوب مقريـه تومـي بهـا
جذعان يوم ان السباع الضاريه تسري تحوف=كم ليلة ظلما سريناهـا مـا احـد يسريبهـا
حنا مقابيس الوغا حنـا مشرعـت الرفـوف=واهل البيوت اللي لاجاهـا اللاجـي يذريبهـا
وحنا هل البل يوم وقت البل مفرقت الصفـوف=مركاظنا تركـم بـه اللحيـة ويطلـع شيبهـا
تاريخنا عجزت توفيـه القصايـد والحـروف=وامجادنـا وافعولنـا كـل المـلا تدريبـهـا
حقايق التاريخ ما جوده وكـل شـئ معـروف=ما هي رعيـة واحـد يسـرح ولا يظويبهـا
تمت وصلى الله على سيد البشر رغم الانـوف=محمـد اللـي كمـل السنـه علـى ترتيبهـا
آخر تعديل سفير الجذعان يوم 04-May-2010 في 11:14 PM.
« آخـــر الـــمـــشـــاركــــات »
04-May-2010, 11:10 PM
حفل الشيخ مناحي بن جدي بن زريبه لشيوخ حرب
العرض المتطور
