((((( تجميع الطواريق ))))) ارجو التثبيت

[سعوط المجانين الدعجاني]

اخواني هالصفحه راح تكون لتجميع الطواريق اللي يلعبونها الشعار لكي يستمتع محبي المحاوره في محاورات الشعار من دون التنقل بين الصفحات
وارجو عدم المشاركه وتكون هالصفحه مخصصه لطواريق
وارجو من الشعار عند الانتهاء من طاروقهم نقله إلى هذي الصفحه فكره حلوه ومفيده وارجو من الشباب ما يكتبون اي مشاركه لان هاذي الصفحه لطواريق فقط

[علي الشهراني]

فكره طيبه



في انتظاار راي المشرفين



و الله يوفق الجميع



مشكووور يا الدعجاني

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[سعوط المجانين الدعجاني]

شوفو مثال والله فكره حلوه وش رايكم

هاذا الطاروق جرى بين الشاعر /الراي السديد والشاعر/ ابن سرحان وكانت البدايه من الراي السديد

الراي السديد

يا هيبة الشعّار وين الشاعر اللي ما يهـاب=الموت لو ينصّب في فنجال يمكـن يشربـه
ام القرى لو تفتح المجـال لهـل الانتسـاب=بعض العرب يمكن يموت من القهر في مكتبه

ابن سرحان

ماني بقايل هيبة الشعار فعيوني سراب=الا عدام وكل راعي حق يبشر بطلبـه
لا تحسبنك فالبلد قادر تسوي انقـلاب=واللي تجاوز حده المرسوم يمكن ننكبه

الراي السديد

الله يبارك فيك لا تخلف موازيـن الكتـاب=المسأله وجهة نظر و الحق صعبٍ تغلبـه
نصيحةٍ جاتك سواة السمْن في وسط العياب=يدهن بها راع الخبر و العلم دقنه و شنبه

ابن سرحان

الاسهم اللي في يدك \ لو تنطرح للاكتتاب=يسهل تداولها على الشاشه تصير مرتبه"
مالك ومال السكه اللي كنها جناح الغراب=وابو شنب لن ماهداه الله يبا يضيع اتعبه"

الراي السديد

يا ما و يا ما غير ما عيّنت للدعوى جواب=الله يعين اللي وقَع حظـه بـدار مكركبـه
ان كان تبغا الحل لا تقعد على باب الصواب=الكتّب وزّعها بحسب النوع وسط المكتبـه

ابن سرحان

لا تعتزي بالبندق اللي مالها عندي زهاب=ترى خويك طرّف \ الرشاش فوق المرتبه
انته تعرف اني نشدتك وانت رديت الجواب=اللي بعدها راسك المحلوق صار اله رقبه

الراي السديد

نشدتني و اعطيتك المردود قفل بدون بـاب=يا شايبٍ عايش حياته فـي حـدود المجلبـه
اللي على راس الجبل يبصر مطانيف الهضاب =و اللي نزل قاع الجبل يبشر بداب و عقربـه

ابن سرحان

ولا انت ماشفنا على وجهك علامات الشباب=والشيب لو انك صبغته ماصبغـت الثعلبـه
بكره ليا فنيت عظامك ياعلي تحت التـراب =اللي قرا خطك يبا يشره على اللـي يكتبـه

الراي السديد

اللي نقوله يا الثبيتي فيه شي من العتـاب =حب و موده و القلوب نظاف و افهم يا يبه
خطي يجملّني و يرفع هامتي فوق السحاب =صحيح من يعجز ينوش العذق يا خيّ ينطبه

[سيف الجعدة]

صعوط المجانين فكره كايفه
بيض الله وجهك

[عايض القوبع]

صحة الألسنة

[سعوط المجانين الدعجاني]

يعطيكم العافيه ومروركم شرف لنا سف الجعده وعايض القوبع بسسس وين المشرفين ارجو الرررررد