بـن ثايـب و شــاهــر الـعــنــزي

[فالح الشهراني]

محاوره جمعت الامبراطور : بن ثايب والشاعر : شاهر العنزي في الرياض
زوراج الشاعر :: بدر الخالدي



بن ثايب :

ســلام عليكـم يـا شـغـامـيــم الآلآد @ سـلام ن مليـح كلكم خابـريـنـه

حضرنا وشرفنا على روس الاشهاد @ على شان بدر وربعه الله يعينه


شاهر :

ترا اللي يشوفك يحسبك جيت هداد@ توقـع نبـا فيه المعاني ثمـيـنـه

.................................................. .................................................. ........


بن ثايب :

يـا مــال السلامـه ياثـمـود ولـد عــاد @ عليك وعليها من الملاسيب عيـنــه !!

توكل على الله واقضب الدرب من غاد @ عساها تحفك لامشيت السكينه


شاهر :

انا مانشـدتـك عن مواضيـع الاكـراد @ وكلن نصيبـه ماتحـوشه يـمـيـنـه

تـرا لـلشعـر شاعـر وللشعـر نـقـاد @ وقال المثل تلقى الخبر مع جهينه


بن ثايب :

تولــى جــلال الطالبانـي ولا فــاد @ ومسعـود بن عمـه يهـز المكيـنـه

تـجـملت ياشاهـر وتوجت الامجاد @ بـحـرب الكـويـت وكلـنـا عـارفـيـنه


شاهر :

علوم العرب سم على بعض الاكباد @ وانا وانت ندري بالفخر والغبينه

أبنشدك ماعيـدت في ذيك الاعياد @ بـخـل منك ولا من تولى الخزينه


بن ثايب :

خذيتـوا من الاحفاد بوجيه الأجداد @ تحطون مكه في محل المدينه!!!

نـبـي نحتفل لاصار به عيـد ميــلاد @ وما خـالـف السنـه تــرانا ندينـه


شاهر :


عسى الله يجاهدك انت تحتاج الاجهاد @ ولاهو خطا لاقلت ماني سنينه

ألــى يـالـمـعـزب جــيـب دلــه وبــــراد @ ترا المور تالي الليل زايد حنينه


بن ثايب :

عسى الله يعفا عنك شاعــر وقصـاد @ مليت المجنه من زهور الجنينه

زحفـنـا على العالم جماعات وافــراد @ لو انك لحالك مابحثنـا الدفينـه


شاهر :

عسى الله يعفا عنك طيب وجحـاد @ تشوف الهدف لكن تحذف يمينه

زحفتو ولكن زحفكم مـــاش مافاد @ ألـى وعـذاب اللي تـبـيـح كنيـنـه


بن ثايب :

لو أأنا نراعي خطر الناس الأجواد @ قعـدنا ورا حـد القـرا من بطينه

يابـو عيـن صفرا كنـهـا عـيـن حداد @ هجمنا عليكم هجمـة مسـتـبـيـنه

شاهر :

ماتملك حبال ورحـــت للبـيـر وراد @ وحنا مانخشى الوقت عسره ولينه

عيوني عيون الصقر ماهي برقاد @ عسا قلب بن ثايب تجيــه السكينه

بن ثايب :

ياشاهر تراك مقيم والحي شداد @ ترد الكلام ولاذبحت السمينه

ذممنا بريه من اهل الصاد والضاد @ سمعنا وشفنا والله موحدينه!!

شاهر :

ترى الحجه اللي ماتثبت بالاسناد @ ماتقبل وراعيها ماتقبل يمينه

[هارون المقاطي]

لهنت اخوي على الطرح لاكن المحااااااااوره ارا أنها محاوره عاديه ولا فيها شرشحه على قولتك

[خلف المطيري]

صحت الاسن الشعار

ابن ثايب شاعر

[فالح الشهراني]

هارون المقاطي : مرورك شرف لي ولو دققت في معاني بن ثايب لوجدت انها قووويه

خلف المطيري : لاهنت ومروك شرف لي

[ابوحمـد]

محاوره جميله بين شعار كبار
ولاهنت على النقل

يا الشهراني

[الكاايد]

لاهنت يافالح ابيض وجه


نـبـي نحتفل لاصار به عيـد ميــلاد @ وما خـالـف السنـه تــرانا ندينـه


يامسرع الحوصه

[عقاب العنزي]

لاتكره الناس بشاعركم هذا اذا كان يحسب شاعر محاوره بالفعل


القلطه نقض وفتل ومعنى وحبك وسبك ماهو مسابق على تركيب البيوت بعدين وين الشرشحه

يعلم الله قرأت الطاروق بتركيز وتمعن وجدت ابيات شاهر اقوى فالمعنى والتركيب


ياجماعة الخير عيب اللي ينكتب كل يوم عنوان تمجيد لشاعر قبيله وضحك على الذقون


لكن الشرهه تسند على العقّال

[ابراهيم الجـــــذع]

المشاركة الأصلية كتبت بواسطة عقاب العنزي

لاتكره الناس بشاعركم هذا اذا كان يحسب شاعر محاوره بالفعل


القلطه نقض وفتل ومعنى وحبك وسبك ماهو مسابق على تركيب البيوت بعدين وين الشرشحه

يعلم الله قرأت الطاروق بتركيز وتمعن وجدت ابيات شاهر اقوى فالمعنى والتركيب


ياجماعة الخير عيب اللي ينكتب كل يوم عنوان تمجيد لشاعر قبيله وضحك على الذقون


لكن الشرهه تسند على العقّال

هلا فيك أخوي عقاب

ليش تتشرهه كل شخص حر برايه

ويكتب اللي هو مقتنع فيه

أنا اقول هذا الكلام وأنا والله رايي مثل رايك

انا شاعر واعرف المعاني

وارا أن شاهر مبدع لأبعد الحدود

لكن كل شخص له نظرته وله راي

وحنا نحترم جميع الآراء

التوقيع

الذم ما يهفي للأجواد ميزان=والمدح ما طول قصار الأيادي

[متابع هنا وهناك]

المشاركة الأصلية كتبت بواسطة ابراهيم الجـــــذع

هلا فيك أخوي عقاب

ليش تتشرهه كل شخص حر برايه

ويكتب اللي هو مقتنع فيه

أنا اقول هذا الكلام وأنا والله رايي مثل رايك

انا شاعر واعرف المعاني

وارا أن شاهر مبدع لأبعد الحدود

لكن كل شخص له نظرته وله راي

وحنا نحترم جميع الآراء

كبـييييييييييييييييييييييييييييييييييييييييييييييي يير يا ابراهيم

[عقاب العنزي]

المشاركة الأصلية كتبت بواسطة ابراهيم الجـــــذع

هلا فيك أخوي عقاب

ليش تتشرهه كل شخص حر برايه

ويكتب اللي هو مقتنع فيه

أنا اقول هذا الكلام وأنا والله رايي مثل رايك

انا شاعر واعرف المعاني

وارا أن شاهر مبدع لأبعد الحدود

لكن كل شخص له نظرته وله راي

وحنا نحترم جميع الآراء

انا لي فمنتدى عتيبه قرابة خمس سنوات ماعمري صادرت رأي احد او تهكمت على شخص..

من مبدأ اني ضيف وقال المثل ياغريب كن اديب



لكن لاحظنا والجميع ملاحظ بعض العناوين اختيارها سلبي

يعني هل ترى لفظ شرشحه رأي يستحق الاحترام ؟ فما بالك اذا كان الطاروق مافيه شي من هالقبيل


القضيه للاسف الشديد كل ٍ يبي يفرض شاعر قبيلته ويجعله الافصل انا مادافعت عن شاهر كونه عنزي

انا استفزني صياغة العنوان رأينا عنزه جعلت شاهر الابرز في تاريخ المحاوره وقحطان جعلت ابن شايق

الاسطوره ومطير جعلت سوار الذهب امبراطور الملعبه وعتيبه جعلت سفر كذلك و و و و

وفالنهايه جميعها تضخيم وتلميع .. انا لو رأيت من يمدح شاهر فوق مايستحق يعلم الله سوف اقف ضده


الذي اوده ان لابد كل شاعر يعطى حجمه السليم بدون تضخيم وتلميع ودعايه وفرض على ذائقة الجمهور

الشعر اسمى بكثير والملعبه اسمى فا ياليت ننظر للامور بمنطقيه اكثر وبوضوح .


تقديري