نسب عتيبه قصيدة الراوي ماجد بن مغيرق في قناة المرقاب (كامله)..

[الرتوعي]

هذه معلقة لشاعر ماجد بن عبود بن مزيد بن مغيرق العصيمي
مناسبتها عندما وجد بأن بعض النسابة الله يهديهم يتخبط بالانساب ويتحدث في أمور غير صحيحه
وقد ذكر شاعرنا الكتب التي تجد بها نسب قبيلة عتيبه الهيلا مثل(ابن حزم - ابن خلدون -موسوعة الكلبي -ابن الاثير ..الخ

أتمنى ان تنال اعجابكم


اليكم القصيدة العصماء:

أبدا باسـم مـن لـه عبـاده يلبـون=تـقـربـا لله ومـوحــد لــــه
واد الفروض الخمس مع اللي يصلون=تنفيـذ لامـر الـرب وعبـادة لــه
ومن بعدها بأدلي مـع اللـي يدلـون=بنصيحـه وتنبيـه يـا سامـع لــه
يـا مؤلفيـن الكتـب لا لا تغلطـون=هدوا من السرعة وقولـوا اسـم الله
لا توهمـون النـاس فيمـا تخطـون=بأخبار مغلوطة مـن ألفـه إليـا لـه
واجب عليكـم تحرصـون وتحـرون=قبـل القلـم تنوشكـم جــرة لــه
مـن ناقـدٍ يلقـا مثاليـب واطعـون=مـا بيـن قيـل وقـال ومقـلـقلله
عـن الحقايـق بالكتـب لا تطوفـون=كم عالم ٍمـا سلـم مـن هفـوة لـه
أخاف مـن غلطـه عليهـا تلامـون=والمؤمن مـن الخلـق قلبـه يدلـه
تحققـوا قبـل المخاليـق يـوحـون=قبل الكـلام يشيـع مـن ناقـل لـه
ياللي بالأنسـاب القديمـة تخوضـون=تشبثـون بعلـم مـا أنتـم هـل لـه
عندي نصيحة كان للنصـح تصغـون=نصيحة ما اريـد منكـم جـزاء لـه
ما كل من ولـف نزيهـن ومأمـون=خلـى الأمانـة عـمـد متـجـاهلله
والنـاس والنقـاد بالنـقـد يلـقـون=عليـه مهمـز فـي كلامـه وخلـه
قريت لي منشور بالزيـف مشحـون=كلـه خرافـات وسـوالـف ممـلـه
البعض منهم بالنسب صـار مفتـون=تدخـل بشـئ ماهـو مستـوى لـه
نشر عن الرحـال والنشـر مطعـون=عاري مـن الصحـة ولا صحـة لـه
واين المصادر وايـن ياللـي تكتبـون=لاقناع من يقـراه مـن مصـدر لـه
كـلام ٍملفـق ولا هـوب متـكـون=واللغز واضـح واكثـر النـاس حلـه
يا مـن وقعتـوا فالخطـا لا تمـادون=منشوركم مبتـور وكـل فطـن لـه
علم النسب بحرا بموجـوه تعومـون=تلاطـم أمواجـه عـلـى ســاحلله
أعماقه اصعيبه على اللـي يغوصـون=ما كل من هـام البحـر سابـح لـه
عمقه متاهات ومجاهيـل واحصـون=في عالـم ٍمجهـول مـا حـدٍ يدلـه
قمتوا على أنسـاب القبايـل تجـرون=مـن دون اسانيـد وحقايـق وأدلـه
تروون عنهم من مجالـس يقولـون=علـى الجرايـد والصحـف والمجلـه
بالله على ما نشر وشلـون تجـرون=لا صحـه لمـا نشـر بالصحـف لله
أبنشد الـراوي واقـول لـه وشلـون=غيرت اسم عتبـه وصفحـة سجلـه
وسميته عتيبـه علـى مـا تريـدون=غلطة مـن الـراوي كبيـرة وزلـه
باسم هـوازن بالسوالـف تسمـوون=والكـل منكـم حطهـا عـزوة لــه
هوازن اله اشعوب وافروع وابطـون=أشعوب وقبايل ما حـدٍ محصـي لـه
من اكبر قبايل قيس بسجل مضمـون=وعلم النسب محفوظ مـا فيـه خلـه
لابن حزم شـرح ٍ موثـق ومـوزون=شرح عـن الانسـاب وموضـح لـه
ومقدمـة ومجلـدات ابـن خـلـدون=ومؤلفاتـه فـيـه الأخـبـار كـلـه
وموسوعة الكلبـي عنـه لا تتيهـون=علـم النسـب بمجلـده مهنـة لـه
وابن الاثير وراجـع اللـي يعرفـون=وفي معجـم الانسـاب دقـة وجلـه
وفي صبح الاعشى واضحه كان تقرون=مختـص بالانسـاب ومدقـق لــه
وكتب المفصل كـان للبحـث تهـوون=شـرح عـن الأنسـاب ومـفـصلله
أبـو العتيبـه سـعـد لا تضيـعـون=تنسب له عتيبـه وهـو دوحـة لـه
والجد بكر بـن هـوازن ومضمـون=في شجـرة الانسـاب يوجـد سجلـه
يا مدعيـن الفهـم وشلـون تقـرون=سؤ الفهم فيـه الـف علـه وعلـه
بالهون يالعـراف بالهـون بالهـون=عروة وعتبه مـا انتـم بشجـرة لـه
لـو باتدخـل قالـو النـاس مجنـون=والحق حـق ولا حـدٍ معـارض لـه
قالوا لي انصح قلت ما لي بها شؤون=وكثر المجـادل مانـي بفاضـي لـه
اعتيبه قبيلة وأصلهـا مابـه اطعـون=وبني سعد سـاس النسـب والمظلـه
قرنـة عتيبـة فـي نسبهـا يعـدون=وظير النبي منهـم وهـم خولـة لـه
هوازنيـة جـد واالنـاس يــدرون=في جمهرة علم النسـب مرجـع لـه
أولاد بكـر بـن هـوازن يسـمـون=ثلاثـة اسمـا بالنـسـب مستقـلـه
سعد هو أولهـم مـع اللـي يعـدون=وأحفـاده العتبـان وسـلالـة لــه
وشقيقـه منبـه مثبـت ومضمـون=أبـو ثقيـف ونسلهـم راجـع لــه
ومعاويـة شقيـق ثالـث ومصيـون=وذريتـه شوكـة ونـقـوه وسـلـه
نصر وجشم مع صعصعه لا تطوفـون=وكعب كـلاب احفـاده وعصبـة لـه
والمنتفق وابناه قـوم ابـن سعـدون=ارض العـرق وهضبتـه منـزل لـه
وبني نميـر وغيرهـم نـاس يتلـون=ودولة بني عامر هـل المـدح كلـه
واهلال وأحفاده هل المجـد والكـون=غـزا شمـال افريقـيـا واستحـلـه
وجشم مع البربر لهم عقب واضعـون=لازال بالمـغـرب بحـلـه وثـلــه
مفهومكم يالربع مـن دون فـي دون=خافوا عل انفسكـم وخافـوا مـن الله
عن المزالق والخطـا مـا تحاشـون=عليكـم الناقـد لقـا مـدخـل لــه
علـى المتاكـي بالسوالـف تطبـون=طبة غريـق البحـر فـي غبـة لـه
ما كل من يفتـي لكـم لـه تطيعـون=فتاويـا ضحلـة ولا صـحـة لــه
ولا كـل هـراج لهرجـه تـوحـون=هــذا يطبـلـه وذا مـرشـد لــه
الكاتب أخفـق والجماعـة يشيـدون=بعلمـه وتعلميـه إدقـاقـه وجـلـه
في أودية علـم النسـب لا تهيمـون=أكرمكـم أتقاكـم مـن البشـر كلـه
خلوكـم اعتيبـه وباسمـه تعـزوون=تاج علـى الهامـات مثـل المظلـه
قبيلـة وقـت اللقـا مـا يهـابـون=يـا سعـد منهـم باللقـا لابـة لـه
بين القبايـل يـوم الأكـوان والكـون=مثـل القمـر بيـن النجـوم المطلـة
في وقت حومات الوغا مـا يضـدون=قمع الحريـب ولطمتـه عـادة تلـه
لاقيل يـا عتيبـه وجـوك يتناخـون=حرز الدخيـل وحصنـه وملتجـأ لـه
بجيش عرمرم يقهـر اللـي ينـاوون=تشهـده لـه الحكـام ونـجـد وهلله
أعتيبه اسمه تـاج للـراس أومتـون=تـاج لـه وعـز لـه وطولـة لـه
تفخر به اعتيبه من اسنيـن واقـرون=مـا فيـه مهمـز للدنـس والمذلـه
قوم ٍبفـال الـروح للمـوت يـردون=يـوم اتربـه واقتالهـا شاهـد لــه
ومعارك الطايـف عنـه لا تناسـون=ومفتـاح مـكـه سلـمـوه لا هلله
واحصـار جـده والرغامـة يقولـون=فيهـم عمـود الجيـش وقيـادة لـه
قبيلـه لا عاهـدوا مــا يخـونـون=ما يهزم البيـرق وهـم نصـرة لـه
و تذكـروا محدارهـم يـوم ينحـون=من أرض الحجاز الممحلـه والمملـه
من الطائف وركبه مشـوا ويتبـارون=بالخيل والجيش الحمـر مـرءف لـه
برقاوي وروقي علـى العهـد يافـون=بقـرار اعتيبـي مـن الجمـع كلـه
يبـون نجـد ودونهـا مـا يبـالـون=لمجابهـة شيـخ ٍ تـمـادى بظـلـه
تعاهـدوا مـا بينهـم ويتـواصـون=والوعـد عهـد وكـل ٍمؤيـد لــه
بجمعا رهيب ويرهب اللـي يعـادون=جمـعـا عتيبـيـا بحـلـه وثـلـه
مثل الخيال الى اقتفى مزنـه أمـزون=وأرعـوده البـارود فـي كـل حلـه
نزل قرارة نجـد بسلفـان واضعـون=حتى اصبحت في ملكه وموطـن لـه
يردون حيضان الـدرك مـا يخافـون=كـل يبـي واد الرشـا مرتـع لــه
والى زمى العايـل زمـوا ويتحـدون=تسقيـه كـأس المـر مـن حنـظلله
قبيلـة بالحـرب مــا ينتنـاحـون=وهضاب نجـد وجوهـا مسـرح لـه
من قوق قحص الخيل والجيش يحدون=وتركـي ومسلـط كلهـم قـادة لـه
في وقتهم لهـم المشاهيـر يصفـون=هـم قـادة الهيـلا ورمـزه وظلـه
بالميمنة تركـي علـى مـا يقولـون=أزاح ابـن هـادي وحــل بمحـلـه
قصايـده تشهـد مـع اللـي يغنـون=وثايقـا محفـوظـة فــي سجـلـه
عن سيـر وسيـرة حياتـه يخطـون=ومهما كتب عنه ما حد منصـف لـه
وعتيبـه بتمجيـد تركـي يشـيـدون=حكيمـهـا فقيـهـا فــارس لــه
وبالمسيره مسلط ونـاس يسمـوون=شمـال نجـد وغربهـا تابـع لــه
شيخ المناخ وشيخ من لـه يحامـون=عضـد لـه وزنـد لـه وقـوة لـه
ينـاوخ الحكـام ولا يقبـل الـهـون=بجيلـه يمـثـل دولــة مستقـلـه
محوالهم كـل المـلا عنـه يـدرون=والـراي للاثنيـن وعقـده وحـلـه
ومن بعدهـم ظهـر شيـوخ يعـدون=أمثال ابن هنـدي خـذ المـدح كلـه
وفرسان عن سمو القبيلـة يـذودون=تشهـد قبايـل نجـد والشـاهـد الله
لمحه من التاريـخ لمـن يستحقـون=من قيـل ابـن عبـود تـو استهلـه
لو ابتوسـع وأفضـي بكـل مكنـون=فنـد تهـم كـل أبلـج بمفـرد لــه
وأختامها أصلي مـع اللـي يصلـون=عـلـى نبـيـا بالمديـنـه محـلـه

[فهد علي العازمي]

بيض الله وجهك على الجهد الواضح والملموس
عمل تشكر عليه

ولي عودة للتمتع بما أتيت به من ثمين

[خلف الروقي]

الله الله صح لسانه

صراحة قصيدة شافية وبلسم لكل جرح

بيض الله وجهه كفا ووفا في ماقال


لاهنت والله ياكحيلان بيض الله وجهك


اشكرك لاعدمناك يالغالي

[أبو مرحبا]

أبـو العتيبـه سـعـد لا تضيـعـون**تنسب له عتيبـه وهـو دوحـة لـه
والجد بكر بـن هـوازن ومضمـون**في شجـرة الانسـاب يوجـد سجلـه


معلقة رائعه تبين نسب قبيلة عتيبه من هوازن وتذكر الكتب

صح السان الشاعر ماجد بن عبود

لاهنت يالرتوعي على النقل

احترامي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[الصل]

المشاركة الأصلية كتبت بواسطة أبو مرحبا

أبـو العتيبـه سـعـد لا تضيـعـون**تنسب له عتيبـه وهـو دوحـة لـه
والجد بكر بـن هـوازن ومضمـون**في شجـرة الانسـاب يوجـد سجلـه


معلقة رائعه تبين نسب قبيلة عتيبه من هوازن وتذكر الكتب

صح السان الشاعر ماجد بن عبود

لاهنت يالرتوعي على النقل

احترامي

المشاركة الأصلية كتبت بواسطة أبو مرحبا

أبـو العتيبـه سـعـد لا تضيـعـون**تنسب له عتيبـه وهـو دوحـة لـه
والجد بكر بـن هـوازن ومضمـون**في شجـرة الانسـاب يوجـد سجلـه


معلقة رائعه تبين نسب قبيلة عتيبه من هوازن وتذكر الكتب

صح السان الشاعر ماجد بن عبود

لاهنت يالرتوعي على النقل

احترامي

شكرا للرتوعي على تزويدنا بهذه المعلقه الرائعه
لشاعر الكبير بن مغيرق

ولكن يابو مرحبا اخوك وده يستفيد منك طال عمرك
ذكرت البيتين وقلت انها تبين نسب عتيبه من هوازن وهذا الشي معروف عتيبه من هوازن

لكن شاعرنا الفاضل نسب عتيبة الى بني سعد بن بكر بن هوازن
وهذا النسب يحتاج الى اثبات لان من أقول ابو حمرا الثبيتي في كتابه المؤثق عن مسمى قبيلة عتيبه قال انها تنسب الى عتيبة الجشمي
وأنت هنا تقول هذه القصيده ذكر فيها الكتب
اريد منك اخوي الفاضل تزويدي برقم الصفحات في هذه الكتب المذكوره في القصيده التي ذكر فيها نسب عتيبة وأنها من بني سعد بن بكر بن هوازن او مراسلة شاعرنا الفاضل لكي يزودنابرقم الصفحات لكي يهون علينا عنى البحث لانه يطالب بأبراز المصادر في هذه القصيده وهذا البيت من القصيده دليل ذلك

واين المصادر واين ياللي تكتبون = لاقناع من يقراه من مصدرله

لذا لابد ان يوضح لنا شاعرنا الفاضل مصادره كما يطالب من يخالفونه بذكر مصادرهم


وتقبل تحياتي

آخر تعديل الصل يوم 08-Sep-2010 في 01:30 AM.

[أبو مرحبا]

المشاركة الأصلية كتبت بواسطة الصل

شكرا للرتوعي على تزويدنا بهذه المعلقه الرائعه
لشاعر الكبير بن مغيرق

ولكن يابو مرحبا اخوك وده يستفيد منك طال عمرك
ذكرت البيتين وقلت انها تبين نسب عتيبه من هوازن وهذا الشي معروف عتيبه من هوازن

لكن شاعرنا الفاضل نسب عتيبة الى بني سعد بن بكر بن هوازن
وهذا النسب يحتاج الى اثبات لان من أقول ابو حمرا الثبيتي في كتابه المؤثق عن مسمى قبيلة عتيبه قال انها تنسب الى عتيبة الجشمي
وأنت هنا تقول هذه القصيده ذكر فيها الكتب
اريد منك اخوي الفاضل تزويدي برقم الصفحات في هذه الكتب المذكوره في القصيده التي ذكر فيها نسب عتيبة وأنها من بني سعد بن بكر بن هوازن او مراسلة شاعرنا الفاضل لكي يزودنابرقم الصفحات لكي يهون علينا عنى البحث لانه يطالب بأبراز المصادر في هذه القصيده وهذا البيت من القصيده دليل ذلك

واين المصادر واين ياللي تكتبون = لاقناع من يقراه من مصدرله

لذا لابد ان يوضح لنا شاعرنا الفاضل مصادره كما يطالب من يخالفونه بذكر مصادرهم


وتقبل تحياتي

اخي الكريم الصل

نعم القصيده ذكر فيها الكتب التي ذكرت هذا الشي

أما ارقام الصفحات يمكنني ارسال لك رقم جوال الراوي والشاعر ماجد بن عبود على الخاص

وتستطيع معه ان تستوضح كل مايخفى عليك

واتمنى منك ياابن العم بعد ماهتفته كتابة ارقام الصفحات هنا كي يستفيد منها الاعضاء


تقبل أحترامي


أخوك..أبو مرحبا

[الصل]

المشاركة الأصلية كتبت بواسطة أبو مرحبا

اخي الكريم الصل

نعم القصيده ذكر فيها الكتب التي ذكرت هذا الشي

أما ارقام الصفحات يمكنني ارسال لك رقم جوال الراوي والشاعر ماجد بن عبود على الخاص

وتستطيع معه ان تستوضح كل مايخفى عليك

واتمنى منك ياابن العم بعد ماهتفته كتابة ارقام الصفحات هنا كي يستفيد منها الاعضاء


تقبل أحترامي


أخوك..أبو مرحبا

شكرا لك اخوي ابو مرحبا
وبيظ الله وجهك الرساله وصلت واستلمتها
تقبل تحياتي

[الرتوعي]

المشاركة الأصلية كتبت بواسطة الصل

شكرا للرتوعي على تزويدنا بهذه المعلقه الرائعه
لشاعر الكبير بن مغيرق

ولكن يابو مرحبا اخوك وده يستفيد منك طال عمرك
ذكرت البيتين وقلت انها تبين نسب عتيبه من هوازن وهذا الشي معروف عتيبه من هوازن

لكن شاعرنا الفاضل نسب عتيبة الى بني سعد بن بكر بن هوازن
وهذا النسب يحتاج الى اثبات لان من أقول ابو حمرا الثبيتي في كتابه المؤثق عن مسمى قبيلة عتيبه قال انها تنسب الى عتيبة الجشمي
وأنت هنا تقول هذه القصيده ذكر فيها الكتب
اريد منك اخوي الفاضل تزويدي برقم الصفحات في هذه الكتب المذكوره في القصيده التي ذكر فيها نسب عتيبة وأنها من بني سعد بن بكر بن هوازن او مراسلة شاعرنا الفاضل لكي يزودنابرقم الصفحات لكي يهون علينا عنى البحث لانه يطالب بأبراز المصادر في هذه القصيده وهذا البيت من القصيده دليل ذلك

واين المصادر واين ياللي تكتبون = لاقناع من يقراه من مصدرله

لذا لابد ان يوضح لنا شاعرنا الفاضل مصادره كما يطالب من يخالفونه بذكر مصادرهم


وتقبل تحياتي

بعد الاتصال بشاعرنا ابو طلال
أكد لنا أن هوازن تتكون من ثلاثة رجال

1- سعد بن بكر بن هوازن
2-معاوية بن بكر بن هوازن
3-منبه ومنبه أبو ثقيف بن بكر بن هوازن

أما منبه فسلالته قبيلة ثقيف فقط
قبيلة عتيبة الحالية تنحدر من بني سعد بن بكر بن هوازن
أما الثالث فهو معاوية من ذريته جشم ونصر منهم زعيم هوازن في موقعة حنين مالك بن عوف
وجشم منهم فارس هوازن وشاعرهم دريد بن الصمة
ومعظم قبايل هوازن من سلالة معاوية
مثل عامر بن صعصعة وبنو قشير وووالخ
وسؤالك كيف يرجعون من بني سعد

شاعر بني سعد الشعبي يقول قدام الشريف في القرن السابع تقريبا

ياسيدي حنا رجال عتيبه **والناس سمونا بني سعد
لابد من يوم وناصل طيبة**والعلم ياسيدي بعد بعد

والشاعر الشعبي من بني سعد

حنا بني سعد كما الحيد المنيف**رحا عتيبة يوم كل له رحا
والله يالولا حشمتك ياذا الشريف**كل القبايل مايغدونا ضحى

قبايل هوازن تضم قبائل غير عتيبة كثير وكثير

ما يسمح لي الوقت اني أفصل لك
وأذا اردت الاجابة مفصلا أو النقاش مع صاحب القصيدة
أتصل على الرقم الذي أرسله لك أبو مرحبا

[مرزوق حمدان العتيبي]

..

.

معلقه تكتب بماء الذهب ..

صح لسان بن مغيرق لين يرضى

وشـقـيـقــه مــنــبــه مــثــبــت ومــضــمــون.. أبــــــو ثــقــيــف ونـسـلــهــم راجـــــــع لـــــــه

ومـعــاويــة شـقــيــق ثــالـــث ومــصــيــون,,وذريــــتــــه شــــوكــــة ونــــقــــوه وســــلـــــه
نصـر وجشـم مـع صعصعـه لا تطـوفـون...وكــعــب كــــلاب احــفــاده وعـصـبــة لـــــه
والمنـتـفـق وابـنــاه قــــوم ابــــن ســعــدون,,,ارض الــعـــرق وهـضـبـتــه مــنـــزل لــــــه
وبــنــي نـمـيــر وغـيـرهــم نـــــاس يـتــلــون...ودولـــة بـنــي عـامــر هـــل الـمــدح كـلــه
واهـــلال وأحـفــاده هـــل الـمـجـد والـكــون,,,غــــــــزا شــــمــــال افــريــقــيــا واســتــحــلــه
وجشـم مـع البربـر لهـم عقـب وضـعـون...لازال بـــالـــمـــغـــرب بــــحــــلــــه وثــــــلــــــه



التقييم *****

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[حمود بن خيشوم العصيمي]

معلقة للشاعر ماجد بن عبود بن مزيد بن مغيرق العصيمي


فعلا معلقه تغني عن مئات الردود التي لا تفي بالمطلوب

شعر معرفه ودرايه كامله بالنسب


صح لسان الشاعر ماجد حتى يرضى


وسويت خير يالرتوعي