$$ ناوي اشكي عتيبه فاجتماع الرقابه = كان ما فعلت تنظيمها واجهزتها $$

[رائد الكيرعاني القحطاني]

أسعد الله صباحكم



طارووق عجل

ناوي اشكي عتيبه فاجتماع الرقابه = كان ما فعلت تنظيمها واجهزتها
ابلشتنا مع خنذف وعزوة شبابه = لا تهدّ البيوت اللي من أول بنتها

[عيد العازمي]

ناوي اشكي عتيبه فاجتماع الرقابه
كان ما فعلت تنظيمها واجهزتهـا


اشتكهم وان بغيت شاهد حاضر

هههههه


صح لسانك يارايد ولسان قبيلك سلفا

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[رائد الكيرعاني القحطاني]

مرحبا يا عيد



اجل اقرب خلنا نختار المحامي



هههههههههه




لاهنت على الحضور

[عيد العازمي]

عساه النشمي


علشان مايحتاج شهود قوي حجه ههههه

[رائد الكيرعاني القحطاني]

عاد كلّ شي الا العود الا شاف غريمه فالساحة



ههههههههههه



الله يلزمني اياه

[خلف المطيري]

المشاركة الأصلية كتبت بواسطة رائد الكيرعاني القحطاني

أسعد الله صباحكم



طارووق عجل

ناوي اشكي عتيبه فاجتماع الرقابه = كان ما فعلت تنظيمها واجهزتها
ابلشتنا مع خنذف وعزوة شبابه = لا تهدّ البيوت اللي من أول بنتها

قبل تشكي وتطعن في عيال الصحابه = شجرتن ماتظلك لاتسدح تحتها
قلب رايد عرفنا ويش سبة عذابه = كل ماخط جمله في كتابه محتها

[رائد الكيرعاني القحطاني]

ارحب ارحب يا صدوق المواعيد



يا سعد عين واجهت ديّانها

يمكن اصلك عتيبي عارق في عتابه = العلوم الركيكه عفت من فبركتها
المطيري يحاولها ولاحد درابه = انبذوها ترا روس الرجال نبذتها

[خلف المطيري]

المشاركة الأصلية كتبت بواسطة رائد الكيرعاني القحطاني

ارحب ارحب يا صدوق المواعيد



يا سعد عين واجهت ديّانها

يمكن اصلك عتيبي عارق في عتابه = العلوم الركيكه عفت من فبركتها
المطيري يحاولها ولاحد درابه = انبذوها ترا روس الرجال نبذتها

والبقا يارايد

نسيت المعذره

ماتضر الاسامي والمواقف تشابه = كان تنسا شعوب المملكه مانستها
بعد من الله عطانا واكتشفنا حسابه = ضاق صدره علينا والبطاقه غمتها

[ناصر السبيعي]

صح لسانك يارايد وصح لسانك يااخلف

[رائد الكيرعاني القحطاني]

مرحبا يا ناصر



صح بدنك ولاهنت على المرور