صوت و صدى مع الشاعر مشعان البراق

[عمر الدغيلبي]

السلام عليكم ورحمة الله وبركاته
.
أسعد الله أوقاتكم جميعا ً بكل خير
.
أطرح لكم صوت و صدى

.
دارت بيني وبين الشاعر الرائع / مشعان البراق
.
في تاريخ / 23-09-2009
.

و أرجو أن تحوز على رضاكم
.
.
.
الصوت :

على مشعان بَسْنِدْ لي قصيده = جديده في معانيها فريده
وأقول البيت لا مني قريته = أعيشه عيشة ٍ ماهي سعيده
تقول إنّك تبيّن ما خفيته = كتبته بإختصاره مع مفيده
ليا منّي قريته ياوجودي = وجود اللي همومه ما تحيده
تعنّا في حياته ما تهنّا = وعاش العمر بظروف ٍ شديده
يقاسي لوعة ظروفه يقاسي = لو إن ظروفه ظروف ٍ عنيده
وجودي مثل وجده لا توّجد = على اللي لا رحل صعب ٍ معيده
طرحني قايد الخفرات يومه = رحل ماشاف في قلبي رصيده
رصيد ٍ ما يحسّب فالمصارف = يزود ومانقص لحظه مزيده
ألا يا صاحبي مشعآن قلي ؟ = و فسّر لي كلامك ثم عيده ؟
تقول الهجر مبروك ٍليا من = لفت بعدهْ قصايدك العديده
أنا وش حاجتي للشعر بعده ؟ = وطعمه فاقده عقبه فقيده
صحيح إني أعبر عن شعوري = وأوصلـْه لمسافات ٍ بعيده
ولكن ثم لكن ثم لكن = معاه الشعر له صوره جديده
رسمها وصله و كثر إتصاله = وهرج ٍ بالعسل كنه يزيده
وزول ٍ تبطي الأزوال عنده = وفرقه فرق ماسه عن حديده

صدى الشاعر / مشعان البراق :
.

هلا بـ .. اللي مطاليعه بعيده = بعد ما آسند على اخوه القصيده
كتب ما دك في صدرّه / هنيّا = ماهو :- عبر المجله والجريده
ارحب به من اعماقي واهلّي = عضيد ٍ .. فرحته شوفة عضيده
لو انه يوم غنّا ما ترك لي = من بيوت القصيد .. ولا شريده
آخذ عني الشرايد .. كلبوها = وخلاني كذا ( على الحديده ) !
ومع اني تالي الايام .. كني = معقّل هاجسي .. ما اطلقت قيده
لكن .. الله يجملني , وآحاول = اجاريه فـ .. قصيدته الجديده !
واوضّح له وش اللي في ضميري = وويش اللي بغيته يستفيده ؟
الا يا مشتكي من هجر خلك = ترى الدنيا .. ماهي دايم رغيده
ولا آحدن دايم ٍ فيها .. مخلّد = ما اقول الا عسى سنينك مديده
لكن : الشعر له بعض المواقف = ما تنسى في التواريخ المجيده
آله ماضي وآله حاضر وتبقى = له أمجاد ٍ .. مع الشاعر تليده
تسطّره المشاعر .. في سجلّه = ويجري .. مثل دمّه في وريده
وعيده .. كل ما آحياء ذكرياته = يسج عن العرب لا عاد عيده
وياصل لـ .. لثريا من مكانه = ولا شي ٍ .. مع افكاره / يكيده
هذا ما دار في بالي .. وقلته = وشاكر لك .. مساعيك الحميده !

وسلامتكم
.
احترامي
.

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[عبدالرحمن الهيلوم]

ابض وجه يالذيب

وصح السان البراق شاعر مبدع

[عمر الدغيلبي]

المشاركة الأصلية كتبت بواسطة عبدالرحمن الهيلوم

ابض وجه يالذيب

وصح السان البراق شاعر مبدع

وجهك ابيض

ولاهنت

شرفت طال عمرك

احترامي

[ابن صنهوت]

صح السانك ولسان مشعان يا عمر

[عمر الدغيلبي]

المشاركة الأصلية كتبت بواسطة ابن صنهوت

صح السانك ولسان مشعان يا عمر

صح بدنك

ولاهنت

يابن صنهوت

شرفت ونورت

احترامي

[ولدعساف]

ابيض وجه يالذيب

وصح السان البراق شاعر مبدع

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[عمر الدغيلبي]

المشاركة الأصلية كتبت بواسطة ولدعساف

ابيض وجه يالذيب

وصح السان البراق شاعر مبدع

ووجهك ابيض

ولاهنت

شرفت

ونورت

احترامي

[عبدالله الجـــذع]

الله عليك يابو الحميدي

كل قصيده لك ازين من اللي قبلها

ماشاء لله عليك

صح لسانك مدد وصح لسان العذب ابو محارب


فايف ستار

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عمر الدغيلبي]

المشاركة الأصلية كتبت بواسطة عبدالله الجـــذع

الله عليك يابو الحميدي

كل قصيده لك ازين من اللي قبلها

ماشاء لله عليك

صح لسانك مدد وصح لسان العذب ابو محارب


فايف ستار

محبك

صح بدنك يا الغالي

وتسلم على الإطراء جعلي ماعدم راسك

ولاهنت على التقييم

وشرفتني طال عمرك

احترامي

[فايز بن سرحان الثبيتي]

الله الله ياعمر



صح لسانك وصح لسان الشاعر العلم مشعان البراق



تحيتي

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن