وصـــف الــشــاص

[ضاوي الشيباني]

السلام عليكم ورحمة الله وبركاته

أعضاء وزوار الصرح الشامخ أقدم لكم هذه القصيده من(الارشيف)

ولكن جديده لآني مانشرتها

ياراكب اللي جديد ومشترى توه=الموتر اللي عليه العين شفقانه
شاص(ن)جزيل القوافي فيه محلوه=في ذمتي لاصخر القيفان من شانه
وصفه مثل وقفت الحاكم على قوه=وباقي المواتر وزانه مثل صبيانه
لون المخاييل لونه حزت عشوه=والبرق مشيوف فوق اطراف بيبانه
غمارته تعجب اللي مختلف جوه=لافك بابه سلامي فوق سكانه
وان دق سلفه مثل ماترعد النوه=ودك تهلل وترج الله سبحانه
صوت المكينه سوات مذيع(ن)ينوه=ولا مثل مصرفه بالنقد مليانه
وليا عطيته ثنين وصابك حموه=تقول يقرى انقليزي صوت شكمانه
يكفخ من العزم كن القاع متشوه=لاجيت خلفه تقول طيار شيهانه
لاثار عجه وصيج واشتغل ضوه=يوصل غريب الوطن ربعه وخلانه
واليا عرض مشيته من شافه يتوه=بنت(ن)تغنج وشبه الوصف كالدانه
تعشق سليل الزعامه لنه مفوه=جتها فعوله مع أهل الطيب منصانه
تزعل ولد عمها ماعندها مروه=وترضي بداله وتقهر كل عدوانه
سواقه اللي يسوقه يحتم الخوه=من خلقته مايشيل الحرمه وزانه

وسلامتكم

ضاوي عبدالله العتيبي

[أبن حشيان]

يأأأأأأأأأأأأأأأأأأأأأأأأأأأسلالالالالالالالالالال الالام


والله مدري ويش اقول لك يابو عبدالله لاكن الشاص يستاهل المدح ولايهون اخوه الكبير الكسز


عموما صح لسانك يالمبدع كما عودتنا دايما الله لالالالايهينك

[ضاوي الشيباني]

المشاركة الأصلية كتبت بواسطة أبن حشيان

يأأأأأأأأأأأأأأأأأأأأأأأأأأأسلالالالالالالالالالال الالام


والله مدري ويش اقول لك يابو عبدالله لاكن الشاص يستاهل المدح ولايهون اخوه الكبير الكسز


عموما صح لسانك يالمبدع كما عودتنا دايما الله لالالالايهينك

هلا يابن حشيان مرحبا والله نورت الصفحه

صح بدنك والابداع مرورك


لاهنت

[نشمي مقعد نايف العتيبي]

صح لسااااانك


جزله من شاعر جزل

[ضاوي الشيباني]

المشاركة الأصلية كتبت بواسطة نشمي مقعد نايف العتيبي

صح لسااااانك


جزله من شاعر جزل

صح بدنك ولاعلييك زود

لاهنت وأبيض وجه يابومقعد

[سعد بن مطلق المقاطي]

ودك تهلل وترج الله سبحانه


نامل التركيز على هذا الشطر


انا ليس اعرف منك


على العموم صح لسانك

التوقيع

ديــــــــــــــــواني

[ضاوي الشيباني]

المشاركة الأصلية كتبت بواسطة سعد بن مطلق المقاطي

ودك تهلل وترج الله سبحانه


نامل التركيز على هذا الشطر


انا ليس اعرف منك


على العموم صح لسانك

هلا ومرحبا وش في هذا الشطر ياسعد


صح بدنك ورد لي خبر

[سعد بن مطلق المقاطي]

المشاركة الأصلية كتبت بواسطة ضاوي الشيباني

هلا ومرحبا وش في هذا الشطر ياسعد


صح بدنك ورد لي خبر

ترج الله سبحانه وش معناه

[ضاوي الشيباني]

يعني>>>تطلب الله يستر عليه

[سعد بن مطلق المقاطي]

المشاركة الأصلية كتبت بواسطة ضاوي الشيباني

يعني>>>تطلب الله يستر عليه

اهل مكه ادرى باشعابها يعني يرجي الله

اشكرك على سعت صدرك


واسف على المداخلات ومنك نستفيد