عنود الصيد

[الراكد المطيري]

عنـود الصيـد



من خصـايص عنـود الصيـد كثـر الطـواري

عــادة الـظبـي يجفـل لي تحـرك ظـلالـه

مايـصيـد الجـوازي كـود بخـصٍ وضـاري

القنــص بالـركـادة والتـسـرع جـهـالـه

ولايعـرف الطـرد مـن لايعـرف الصـحـاري

ما تعـرض سـمـوم ولا تـعـرض شـمـالـه

كـل دربٍ عليـه مـن المـخـاليــق سـاري

للسـوالـف رجــال وللشـكـالـه رجــالـه

وانت عشـقـة حيـاتـي ياغـزال البـراري

أتفـاول بوجهـك سـعــد من صـرت فـالـه

إنـت والله حبـيـبــي وانـت والله داري

ان نـظــرة عيـونـي يـم غيـرك جمـالـه

ما انقطع سيل حبـك بالمعـاليـق جـاري

كـن قـلـبـي خـلـقـه الله لحـبك سبـالـه

ليـلـتـي ياقــمرهـا غـار منها نهـاري

حيـث همـس المـودة همسـة فـي ليـالــه

جعل واهـج غرامـك مثـل وجـدي ونـاري

ميـر ماأظـن في دنـيـا المحبـة عـدالـــة




خالد الفيصل