محاورة ..... يقرب شاعر ....

[خالد اوصاهب]

السلام عليكم ورحمة الله وبركاته
مسا الخير ياشباب محاورة عجله اول شاعر يدخل يرد لو تكرمتوا

ياسلام الله سلامٍ على الاعضا عموم=ما نخص احدٍ معين رساله للجميع
يارجال الشعر جاكم شواعيرٍ قروم=لا يجي للملعبه كود رجالٍ شجيع

[أبو نجر النفيعي]

ارحب ياخالد

واستلم

يا هلا يا مرحبا عد همّال الغيوم=لا همل هملولها في طواريف الربيع
جاك شاعر يالعصيمي فرك تسعة خشوم=اوّلتها بالبحر . ثانيتها بالنقيع

التوقيع

.....

[خالد اوصاهب]

نورت الصفحه يابو نجر
واشكرك

البقا ياصاحبي وانت رجال محشوم=تشتري وقت المزاد ومع العالم تبيع
انت تلميذي وانا اللي مفهمك العلوم=ما بها استغراب ياصاحبي تطلع لكيع

[علي الثبيتي]

المشاركة الأصلية كتبت بواسطة خالد اوصاهب

نورت الصفحه يابو نجر
واشكرك

البقا ياصاحبي وانت رجال محشوم=تشتري وقت المزاد ومع العالم تبيع
انت تلميذي وانا اللي مفهمك العلوم=ما بها استغراب ياصاحبي تطلع لكيع

صح لسانك ياخالد ولسان ابونجر

وابونجر الله يهديه متخفي ولم انتبه للرد على المشاركه
ولكن خيرها في غيرها

التوقيع

ماني بلا روقي ولا برقاوي = انا ثبيتي جد روق وبرقا

[أبو نجر النفيعي]

ما يطبّون المواقف ضعيفين العزوم=كود رجّال شجاع(ن) معه سيف(ن) لميع
والله اني ودي اكويك لاكنّي رحوم=مار بفعل بك مثل حادث ألذكرى شنيع

[خالد اوصاهب]

ارحب يالنشمي ولا فيه مشكله

وانا بصراحه معجب بشاعريتك وابا اطلب اتعلم معك عن قريب ان شا الله

اخوك / خالد العصيمي

[أبو نجر النفيعي]

..

النشمي

صح ابدنك يالغالي

وهذا من طيبك وساسك طال عمرك


وابشرر باللي يبا يعووضك


اخوك..
.

[خالد اوصاهب]

بيتكم بيت الشَعَر ياعزيزين السلوم=شفت به واحد تراكا ويبغاله مطيع
ارتكا فوق الشداد ويحسب فالرقوم=اشغل الطرقي بكثر السوالف والفقيع

[أبو نجر النفيعي]

ما سكنّا غار قصر(ن) عسا عزّه يدوم=وانته اللي ساكن(ن) يابن عاصم وسط ريع
صوم ياخالد لك الله فالايام صوم=كل واحد يحسب الناس في طبعه وليع

[خالد اوصاهب]

كلنا سكان بيت(ن) تعلا فالنجوم=بيتنا طبعه عزيز وله الشان الرفيع
لا تضيع دربنا وفالخلا تقعد تحوم=افتح العينين واسبر عدال ولا تضيع