ودي ابشاعر ومعنى بالحروف الابجديه .

[شاعر عتيبة]

السلام عليكم ورحمة الله
اخواني شعار المنتدى المجال مفتوح

ياسلام الله على الحضّار واهل المكرميه = عقب ما طال الغياب وصار لي مده ومده
ودي ابشاعر ومعنى بالحروف الابجديه = كل حرفٍ وله معنى والمعاني مستجده

[مشتــــاق]

مرحبا ترحيبةٍ مثل المزون العقربيه=عقب ما رحتوا رجعتوا كل رجال ومرده
هات ما عندك وتشرب من دلالٍ شاذليه=ما بها الليله منام ولابه الليله مخده

[شاعر عتيبة]

الحقيقه الحقيقه لو علاك ولو عليه = وارخ حبلك ياوسيع العرف واحذر لاتشده
اعرف ان الشمس في كبد السما مافيه فيّه = واعرف ان البحر مايومنه من جزره ومده

[مشتــــاق]

الحقيقه بينه وسط السما ماهي خفيه=وانت يا شاعر عتيبه عدّ قول الحق عده
كم رجالٍ غدت به هقوته مع زود غيه=قد علمك للطريق الايمنا يا هيه قده

[مرزوق حمدان العتيبي]

...
.
شاعر عتيبه ومشتاااق
صحت السنتكم ... واصلوا الابداع..
مشتاق الحمدلله على السلامه ... بعد ها الغيبه
نورت المنتدى ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مشتــــاق]

سلمت يا مرزوق

وانا هجيت من طاروقنا الاخير

هههههههههههههههههه

[شاعر عتيبة]

كل حق(ن) ونطقه لو يتبعه سيف المنيه = وانت يامشتاق قول الحق تقصر به تمده
انت مشتاقٍ ونفسك ياولد صارت شقيه = كيف تنطح شاعر عتيبه على اللي كان وده

[شاعر عتيبة]

مرحبا مليون
...
يا مرزوق
نورت الصفحه

وكيف الحال وشلونك...

[فيصل الثبيتي]

يا سلام ...

الله يقويكم ...

صحت ألسنتكم ...

فيصل

[مشتــــاق]

خلوووووووووووووووها

لو نقول ان انت عيه..قلت لي ما ني بعيه= واخذ علمي يا ولد عمي ولاهل العرف وده
كان ودك بالمعاني هاك حبل وفيه ليه=صرت يا جاري ما بين انياب ملعون الموده