حاكم الغنامي + علي العضياني.........(مميزة)

[بندر المرشدي]

حاكم الغنامي

انتهى شهر رمضان وعاد للثعلـي قرينـه=مير انا حاكم صليب الراس زيزوم السرايـا
كيف ياموج البحر تجري على ظهرك سفينه=اربعه ركابها ماتوا علـى ظهـرك ضمايـا

علي فلاح العضياني

حاكم اللي طول شهر الصوم كنا فاقدينـه=بعد شفته والله ليارد على حوض المنايـا
المحاني ديرةٍ مـا بيـن مكـه والمدينـه=عزها الله بالرجال اهل الظفر واهل الحمايا

حاكم الغنامي

السلاح سلاحنا من روس اهلنا وارثينه=يغني النفس الكريمه عن صناديق العطايا
العرب من يمكم حبل القناعـه قاطعينـه=لاتردون الكـلام ولا تحثـون المطايـا

علي فلاح العضياني

ما تجر من راس مالـه قـرش واحـد فالخزينـه=فرق مـا بيـن الافاعـي و العقـارب و الحيايـا
أثر حاكم ما يشوف من الفضا الاّ .. كبر ... عينه=مظهـره للنّـاس طيّـب و الله اعلـم بالخفـايـا

حاكم الغنامي

تدري اني لارمينا بالسهم والمارتينـه=اللحم يغدي عجينه والعظم يغدي شظايا
انت شاريلك بعيرٍ في مراحه بايعينـه=يابختكم بالبعير اللي على خده كوايـا

علي فلاح العضياني

اسمع العلم اليقين اللي مؤكد عن جهينه=الطنا ياصاحبي ماغير في روس الطنايا
انتقدم للامام وحاكم اليـا قيـل وينـه=مثل قول المنقره واهل الزوايا فالزوايا

حاكم الغنامي

الكـلام اللـي تقولـه كلبونـا منكرينـه=منكم الناس القضاه ومنكم اصحاب القضايا
ياعلي مامن تقدم من غبينه فـي غبينـه=طيع شوري لايدهوونك خبيثيـن النوايـا

علي فلاح العضياني

كل رجّالٍ على منهاجـه و سلمـه و دينـه=علّموا حاكم يروح يشوف وجهـه فالمرايـا
حاكم اللي طال صوته ... يسكت الله لا يهينه=يا خسارة من سمع منك النصايح و الوصايا

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه