[img]
[/img]
صورة الشيخ ضيف الله بن مثعي بن وارد الغربي العتيبي رحمة الله
ياعين لودمعتك باحيل مدفوقه=
=معذورة لو دموعك زاد دافقها
مادام تبكين رمز الجود محقوقه=
= لك حق لو لحيتي دمعك مغرقها
مانتي لحالك معك برقامع روقه=
=وكل القبيلة عليه الحزن طارفها
شيخِِ بموته كثير الناس مصفوقه=
=حتى ابعد الناس شين العلم صاعقها
ياكثر من لاجل ابومثعي نثر موقه=
=دمعة وكم مهجة فرقاه حارقها
يبكي وحزنه غشا وجهه ومنطوقه=
=على فقيد اقلوب الناس سارقها
شيخ كما غيث وسم هل دافوقه=
= من مزنة بشر العربان بارقها
مرحوم يامن لربه موف حقوقه=
=ونفسه على الخير تتبع شرع خالقها
ماحد شكا منه لازله ولابوقه=
= وله سيرة ماحد هرجة تلحقها
له طيب ذكر وصيت يسطع شروقه=
=وخذ بالشحم شهرة تنشر بيارقها
لو غاب له سيرة بالعز مرموقه=
=وذكر مخلد مثبته وثايقها
في سفر الامجاد له صفحات معبوقه=
=اسطارها مجد ضيف الله موثقها
والموت حق وسكه دوم مطروقه=
=سكه لكل البشر لابد تطرقها
هدام لذات منه جموع مفروقه=
=كم من شمول حسام الموت فرقها
ياخذ خيار الرجال وياخذ العوقه=
=ماهوب يختار عاليها ودانقها
من حان يومه غفا غفوه بلا فوقه=
=والروح تنزع وسهم الموت فرقها
لكن الاموات عند الناس مفروقه=
= ماهم سوا حسب سيرتها تفرقها
احد لو ان النصايب ركزت فوقه=
= مافقد دنياه ماكنه مفارقها
واحد فقيده عليه الناس محروقه=
= تشعر بفقده بمغربها ومشرقها
امثال شيخ مخلاة له طروقه=
= في هامة المجد منزالة بشاهقها
ضيف الله اللي بيفله يتعب لحوقه=
= جملة مماشيه ماكل بلاحقها
نفسه على الجود مجبوله ومخلوقه=
=من طلعته للمعالي مد عاتقها
المرجلة سيرة للشيخ معشوقه=
=نعم العشيقه ونعم فيه عاشقها
ريف لربعه ونفس دوم معتوقه=
=عن سكة الحيف والاطماع معتقها
بالجود الاموال من يمناه منفوقه=
= كف الندي اللي بجزل المد تغدقها
يمنا بجزل العطا للمال دافوقه=
=لو هي تولت كنوز المال تنفقها
ماهيب بالقل يمناالشيخ معيوقه=
=لو لحق نفسه ثقيل الدين واغرقها
هداج تيما لورده جاش غدروقه=
=لا كثر ورده نبوعه جاد دافقها
منصى المناعير قرم منتهى شوقه=
=شوف المسايير جتله من مناطقها
يعرف مقره ولا احد تاه عن سوقه=
=وداره كثير العرب تعرف مفارقها
قصره على العز من ساسه لشاهوقه=
=مجالسه قدم ضيفه مايغلقها
من يوم خطه وقبل يشاد طابوقه=
=فصل ملاحق ضيوفه مع مرافقها
قصر الابواب به ماهيب مغلوقه=
=ماقد تلاقت درفهافي مغالقها
قدم المسايير والضيفان مدلوقه=
=ماهيب تحتاج من ينده ويطرقها
ناره بسود الليالي دوم مشعوقه=
=طول السنه راعي الطالاشاعقها
نار الكرم بالحطب تشعم وملحوقه=
=في جرم الارطى وعود السمرمعلقها
ماهيب عنها الدلال الصفر مفهوقه=
=والقهوجي دوم بالحمسة يلاحقها
وعود ازرق المباخرفيه مسيوقه=
= على المسايير ياجود طيب سايقها
ودلال بالبن راع الكيف هي ذوقه=
=لادارها ينتشي بالكيف ذايقها
والحشو والحيل للضيفان مرفوقه=
= مع مرحبا من طليق الوجه ناطقها
ساس الكرم كم مراح مفني فروقه=
=عن التزايد بكثر الذبح عايقها
هذي تحط بمرق هذي وذي فوقه=
= وخرى تقلط وذي توه معلقها
من كيف شيخ عليه النعم مطبوقه=
=عليه لاقلت وهوبالفعل لايقها
ملاذ من في زمانه لاحقه عوقه=
=عليه دنياه مبديه تغلقها
لاجاه ينخاه بأمر زادعن طوقه=
=دعوأ كبيرة وراها مايعوقها
ياقف معه وقفة بالعزم ماثوقه=
=للخير في نية للحق طارقها
يسعى مساعي فلاح دوم موفوقه=
=بالجاه والمال لين مناه يلحقها
كم من طيب لطلابه دفع سوقه=
=وكم من نفوس من الشطات معتقها
وكم معسر حالته بالعسر مزنوقه=
=بدل عسورة بحال اليسر واعتقها
في نية الخير مسعى الخيربوفوقه=
=وجملة مساعيه دوم الله موفقها
يالله يامن يحكمه سار مخلوقه=
=تفتح لقبره من الجنة طوايقها
ولعل روحه من النيران معتوقه=
=وفي جنة الخلد ينعم في حدايقها
وعسى البقا في سيوف منه ممشوقه=
=نقوة رجال عسى الله مايفرقها
انجاله اللي خطاهم دوم منسوقه=
=على دروبه ومنهاجه طرايقها
مدارك الجود فيهم منه معموقه=
=الكل منهم معانقته وعانقها
اوصافهم من وصوف الشيخ منتوقه=
=وافعالهم تكمل افعاله بمنسقها
لهم العزا كاتبه بالشعر واسوقه=
=من مهجة فقد ابو مثعي محرقها
ارثية والشعر مهما طال طاروقه=
=ورثاه فيه اجزل الشعار واصدقها
لو جت معانيه منقيه ومصدوقه=
=وعدد فعول شواهدها حقايقها
ماهوب موفي لقدر الشيخ بحقوقه=
=وجملة خصاله حشا ماهوب لاحقها
الشاعر محمد عبد الرحمن ابو نيان الحربي
===============================
خيل سحاب القاف وامطر بالاحزان =
=من ناظـر للدمـع معـة انتثـاره
يسوقهاقلب مـن الغيـض مليـان =
=غريـب مخلـوق ذكرولـف داره
عمي بكت عينه من افراق خـلان =
=عقب الصفاوه جاه ليـل الكـداره
دمعـة كبيرالقـوم يظهرلهاشـان =
=وسط الظمايرمثل حفـر الجحـاره
وانامعي قلـب مـن الوجدمليـان=
=سبـة جفـا دنيـاه خـلا ديـاره
وجريت ونه من الوجـد رويـان=
=ماقد جبر كسـره وفـك الجبـاره
أونـة الطيـب لياجـاه حـقـران =
=لاحطـة عجفـا المواليـن شـاره
أوونة الي لاحـق جمـع عـدوان=
=يبـا القظـا بخـوه يرتـد ثـاره
ولحقة به الي كنهاوصف شيهـان=
=ساق دقاق وفي ظهرهـا قصـاره
شيله كـن الذهـب جالـه الـوان =
=وشيالة بالوجـه وسـط الشقـاره
قد جالها في غبة السـوق برهـان =
=يازيـن نوهتهـا لـراع الامـاره
أمـارة مهيـب امـارة سعيـدان =
=أمـارة الـي يستحـق الامــاره
لاولله الـي فيـك يـادار شيخـان =
=سلايـل مـن روق مجنـا نـداره
بالغرب من ساجر للامجاد ميـدان=
=سلام يـم سليـم وكـر الصقـاره
اسلالة من ماكر احـرار عتبـان=
=أرداهم الـي حامـي جـاه جـاره
اسـود للغابـه وبالجـو عقـبـان =
=امـارة ماجابـهـا الأ النـمـاره
يفرح بهم من باقشر الوقت بلشـان=
=يلقا مع الترحيـب حشمـة وقـاره
يلقـا جنـاب ماتحلابـه انسـان =
=الكل منهـم مايحسـب الخسـاره
في مدح ضيف الله يسولف فنيسان=
=سولف علين اليـن هلـت عبـاره
والنوم طار وجت مراويح الألحان =
=وجا للقوافي في ظميـري حـراره
وسقت المثايل باللحن سوق الأظعان=
=بان النهار وليلـي اقفـا سمـاره
الشاعر محمد الحميدي السيحاني
=================================
جـانا اتصال يـحـزن القلـب والعـيـن =
=يبـكـي الـشيـبـان قبـل البـزوره
ومن قبل نسمع بالخبر شبة دارين=
=من يوم قبل الموت قدم اسواره
ياليـت أبـو مـثـعي تـمـهل لـنا حين=
=لـو كـان دنـيانـا مـهـيب مـعموره
نـبـغـاه يـبقـى حـي مـادام حيـيـن =
=امــا يـــزاورنــــا والا نــــــــزوره
وجهة بشـوش للرجال الحشيمين =
= واليا دخل في مجلس شح نوره
شيـخ لربعه شيـخـةٍ تـبعـد الشين =
= يـرفي خـوامـلهم بماله وشـوره
ملجـأ الضـعيف ومزبن للمسـكـين =
= لينـاشهم من ضيـم بقعاء حروره
جـاهة قـوي عند الرجال الوجيهين =
= وأن جـاه راعي حاجة طق زوره
ومـراجـلـه مـهيب دوب القريـبـيـن=
= جـمايلـه تشمل مهيب محصوره
من طيب راسه يدفع الشين والزين=
= وعسرالكرم ماهاب غبت بحوره
يعطي ويـذبح من سمـان البـعارين =
= وحيـل النعـاج اللـي كبار ظهوره
شـيـخ كريـم ذاخـر لـه كـريــمـيـن=
= يـبـت يـذري مــن تـلـجـأ بـصـوره
كلامـي اللي قـلت به الناس دارين=
= لـكـن نـحبه والـفـعول مـخبـوره
يالله يالـلـي لأك الأمــة مــصـلـيـن=
= في جنة الفردوس تبني قصوره
تـجـزاه بـالـجـنـة قـصور وبـساتـين=
= وقصر مزخرف يسكنه فيه حوره
وصــلاة ربــي عــدوبــل الـوداديـن=
= عـلـى نـبـي وضـح الـحــق دوره
الشــاعـر:غملاس بن موسى بن وجب المغيري
===============================
رحمه الله الشيخ ضيف الله بن مثعي وأسكنه الله فسيح جناته
آخر تعديل الروقي موجود يوم 04-Jun-2008 في 07:09 AM.
« آخـــر الـــمـــشـــاركــــات »
04-Jun-2008, 07:03 AM
مرثيات في الشيخ ضيف الله بن مثعي بن وراد الغربي العتيبي
العرض المتطور
