الجبرتي والمسعودي (نادره واعتقد اغلبكم ماسمعها ))

[omarb9999]

محاورة محمد الجبرتي يمثل بدوي والمسعودي يمثل حضري

الجبرتي

سـلام رده مـن رجـال البـدو والبيـت الشعـر =لاهـل البيـوت الـلـي عليـهـا مقفـلـه بيبانـهـا
نشرب حليب ام الحليب اللي تفلى في الشجر =ماهو حليـب اطفـال ماتـدرون عـن حيوانهـا

المسعودي

يامرحبـا وبيوتنـا يابـدو بسمنـت وحجـر=ومثبـتـه مــع بابـهـا يأتونـهـا ضيفـانـهـا
ياراع شاة البدو لوتطعم لبن شـاة البحـر= اللي على الماعون صورة قرنها ووذانها

الجبرتي

حنا ليا جانا المطر نمشي ونرعى فالدير =وانتـم ليـا مطـرت ديركـم قفلـت دكانـهـا
وضيوفنا يالبدو لو يلفون في الليل الغدر =مـن حيـث مادقـو بحلـه قبسـت نيرانـهـا

المسعودي

حنـا ليـا جـا الليـل نورنـا كمـا نـور القمـر=وانتم ليا جا الليل ظلما ماتشـوف اعيانهـا
اشوف لي مختلفة الالوان من بدو وحضر=واللـي يديهـا ماتنوشـه تلحـسـه بلسانـهـا

الجبرتي

الكهربـا ماشـي كماهـا ميـر مكتوبـه خطـر=واليا انطفت ماتدري الجيران عن جيرانها
حنا نعز الضيف مانقريه من حيـد الخضـر=نقريـه باللـي فالصحـن متثنيـه عصبانـهـا

المسعودي

حنا هل البندر كمـا العنبـر المتلـول السفـر=مجلـوبـة التـجـار وافــي مسكـهـا ولبانـهـا
ياماشرينا مـن حـلال البـدو غاليـت المهـر=وامسيت تاكل من شحمها بعد اخت اثمانها

الجبرتي

رياحكم عنبر وحنا ريحنا المـاس الحمـر=اليا وقـف ظـل السلوقيـه تحـت كرعانهـا
واسفارنا يابدو ناخذها على وسق الشفر=ماناخـده بالكيـل واللـي قـد وزن ميرانهـا

المسعودي

في كـل ديـره حقهـا مـن خيـر والا مـن قشـر=وان جاتـنـا منـكـم رعـيـه عـنـدنـا رعيـانـهـا
وان سقت سياره شكت منها الحجاره والحفر=مـن قـل عرفـك كـل ماخربـت قعـدت اوزانهـا

[معجب العتيبي]

شكرا ياغالي
على النقل

التوقيع

[عبدالله الجـــذع]

محاوره في قمه الروعه..

رحم الله شعرائها ..

شكرا لك يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر الديحاني]

محاوره رائعه
تسلم على نقلها

[بدر المر]

ياوجه الله ياوجه الله الله لايحطني قدام واحد منهم في محاورة

ومشكور على المحاورة النادرة والغالي مايجيب الا الغاالي

[/عبد العزيز الجذع/]

محاورة جميلة..

مشكوور اخوي عمر..

[مرزوق حمدان العتيبي]

..
.
اختياااااارموفق الله يبيض وجهك ..
..ومحاوره غير من بين عمالقه لن ينساهم التاريخ
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD