الله من همن طرى تالي الليل...موجهه للشاعر محمد بن رشيد

[ابراهيم الزراقي]

بسم الله الرحمن الرحيم



هذه قصيده متواضعه مني موجهه الي الشاعر الكبير محمد بن رشيد احد شعراء هذ الصرح الشامخ

الله من همن طرى تالي الليل=واستيسر الخافق وكدر مزاجه
همن كبير وله فصدري مداهيل=بين الضلوع الي ربت فإنعواجه
همن على اصعب من الغوص فالنيل=واقسى منه جرحن جهلنا علاجه
بعثر حياتي والآماني مكابيل=واسدل ضلام الكون واطفى سراجه
خلاني اسوق العنا فالمراسيل=للصاحب الي وسط صدري ملاجه
الصاحب الي من خيار المشاكيل=الي على العليا مقطب حجاجه
حلحيل ويضد الرجال الحلاحيل=لاثارت الهيجاء وحصل المواجه
يابن رشيد ان كان تبغى تفاصيل=الوقت من حولي تطاير عجاجه
وضعي خطير ولاحصلي محاصيل=ومثلي تعب عيا يحصل خراجه
الوقت حاربني بشلف ومصاقيل=والصبر راح ولالقينا نتاجه
ماغير اهوجس وارقب الجدي وسهيل=والضيق عيا لايجيه انفراجه
واسج فالدنيا واجر المواويل=واعاين الواقع بكل انحراجه
واصمت وفي صدري هموم وغرابيل=خايف عدوي لايزيد ابتهاجه
واشوم وابعد عن علوم المهابيل=والحزن من حولي مطوق سياجه
دنيا العنا جتني تسوق المعاديل=في كل يوم اشوف فيها سماجه
دنياً تهان ابها زحول الرياجيل=ويعز فيها الي منول دجاجه
عشنا بها بين العنا والبهاذيل=وشفنا قراح الماء وذقنا هماجه
وحظوظنا غابت ولا به مواصيل=مدري متى تصفى لنا وانتواجه

وسلامتكم ,,,والله الله بالردود

اخوكم الشـــــــاعــــــــر ابراهيم الزراقي

آخر تعديل ابراهيم الزراقي يوم 07-Apr-2008 في 10:22 PM.

[فهيد مقعد الرويس]

صح السانك

ولايهون بن رشيد

تحيتي وتقديري

[ابراهيم الزراقي]

المشاركة الأصلية كتبت بواسطة فهيد الرويس

صح السانك

ولايهون بن رشيد

تحيتي وتقديري

فهيد الله صح بدنك والله يعطيك العافيه

[روح جاي]

صح لسانك يالزراقي

[ابراهيم الزراقي]

المشاركة الأصلية كتبت بواسطة روح جاي

صح لسانك يالزراقي

صح بدنك والله لايهينك يالغالي

[مشاري الشلاحي]

دنياً تهان ابهـا زحـول الرياجيـل=ويعـز فيهـا الـي منـول دجاجـه

صح لسانك وبيض الله وجهك

قصيدة جزله من رجال جزل والطيب لا يستغرب على أهله

وأسمح لي ببيت هنا رد على البيت اللي أنا مقتبسه

عسى عوضنا في الليالي المقابيل=وألا الزمن هذا زمان الخواجه

تقبل تحياتي

أخوك

مشاري الشلاحي المطيري

[ابراهيم الزراقي]

المشاركة الأصلية كتبت بواسطة مشاري الشلاحي

دنياً تهان ابهـا زحـول الرياجيـل=ويعـز فيهـا الـي منـول دجاجـه

صح لسانك وبيض الله وجهك

قصيدة جزله من رجال جزل والطيب لا يستغرب على أهله

وأسمح لي ببيت هنا رد على البيت اللي أنا مقتبسه

عسى عوضنا في الليالي المقابيل=وألا الزمن هذا زمان الخواجه

تقبل تحياتي

أخوك

مشاري الشلاحي المطيري

مشاري الشلاحي المطيري


بيض الله وجهك وصح لسانك على البيت الرائع

مبدع يامشاري ولاهو غريب عليك الابداع

[عبدالله الجـــذع]

الله اكبر..

ابراهيم صح اللسان والقلب..

مبدع كما انت يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد بن رشيد]

ابراهيم الزراااقي

صح لساااااانك ملايييييييين

ابداااااع من شاعر يستحق الاشاده

لاهنت لاهنت

ولي عوده بأذن الله

تقديري

التوقيع

ياناشد ٍ عن عتيبه تعرف اعتيبه =قبيلة ٍ تظهر المسجون من سجنه ! قوم ٍلها العزّ والامجاد والهيبه =وتشهد لها الناس ( قبل العرض واللجنه )! واللي تشوفه على (الصحرا ) نماريبه =هذاه مترك سليل المجد ابن حجنه ! mrm@mergab.com

[محمد العتيبي]

الله الله
ابداع رائع ياابراهيم ..
صح لسانك وننتظر الغالي محمد بن رشيد ..
لنرى ابداعه ايضا ..
...
لكم خالص التقدير.

التوقيع

للتواصل عبر twitter تويتر al_bargawy@