جمهور المحاورة الكريم
نضع المحاورة المميزة التي تم اختيارها من قبل إدارة المنتدى كأفضل
محاورة جرت في القسم خلال الاسبوع المنصرم بإسمكم نشكر شاعريها ونتمنى لهم التوفيق
كبتن عتيبة
يابن فلاح اقـرب هنا..وحسابـك الليلـه عسيـر=وأحسب حساب الأوله واحسب حسـاب الثانيـه!!
ياللي تقول أن (الفراع) احسن من (السيل الكبير)!!=وش رائك تقول (المحاني) قطعه من (اسبانيـه)!!
علي فلاح العضياني
الليل انا و ايّاك وتشوف اللذي رايح يصير=مدام ميـزان العدالـه ساحـة الميدانيـه
آخير عندك سوريا ولاّ جبال السيل آخيـر=أظنّها افضل عندكم منهـا ومـن لبنانيـه
كبتن عتيبة
والله ماتاخذ غير قسمك..يالبنادم..لـو تطيـر=ارضى بمقسـوم الكريم..وسـمّ بالرحمانيـه!!
مايهضم حقوق النشاما غير معـدوم الضميـر=والحسْد في قلب الحسود ..أكبر من الضلعانيه!!
علي فلاح العضياني
الطايف أحلى لا تقل جدّه عروس البحر ( غير )=فيه الهوى البارد و فيـه الخـوخ و الرمّانيـه
اليا نزل سعر الجواهر وإرتفع سعـر الشعيـر=بيت الفقر يصبـح غنـي والمغتنـي فقرانيـه
كبتن عتيبة
عدّ المصايف في بلادك مير لاتنسى عسير=وأبها البهيه حبُّها بين الضلوع الحانيـه!!
بشت الأماره مايليق الا على متن الأميـر=وأنته متونك جب لها كوتاً من الدكانيـه!!
علي فلاح العضياني
المبتدى و المنتهى و العلم الاول و الاخير=حكم لك القاضي بلا حجّـه و لا برهانيـه
خلّ الإداره ما يدير الدايره غير المديـر=طيّرتها يا كبتـن عتيبـه بـلا جنحانيـه
كبتن عتيبة
انا اتحمّل زلتك حيثك كمـا اخـوي الصغيـر=لكن غيري مـن عتيبـه واحـداً زعلانيـه!!
والحل عندي ,,كسّروا هاك الرحاء اللي تسدير=والا اتركوهـا تسديـر ونـادوا العتبانيـه!!
علي فلاح العضياني
عليك ما نشره يا بو قلبٍ كبـر راس البعيـر=لكنّ شرهتنا علـى مـرزوق بـن حمدانيـه
الحل عندي .... ما يفيد الحكي والهرج الكثير=بكره يبـا يصـدر بيانـاتٍ مـن الديوانيـه
| التوقيع |
يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
::
ديواني من إعداد الزميل/ عمر الدغيلبي ... بيض الله وجهه |
« آخـــر الـــمـــشـــاركــــات »
12-Mar-2008, 09:20 PM
المحاورة المميزة لهذا الاسبوع
العرض المتطور
