قصيده قويـــه .. لعيد بن مربح

[خالدالعصيمي]

ياعلاوي نجـد علك مراديـم السحـاب=ديـرةٍ فيهـا تربيـت يـوم انـي صغيـر
ياطبيب النفـس وشـو عـلاج الأكتئـاب=أعطني وصفة علاجه ترى وضعي خطيـر
عشت في غربة حقايق وفي وضع اغتراب=والتجارب عرفتنـي علـى الشـي الكثيـر
شفت ناسٍ ترسم الورده على صدر الغراب=والغراب أليا بغيت ألمـس الـورده يطيـر
أستفدت من الذيابـه ومـن نبـح الكـلاب=وأستفدت من الرغا وأستفدت مـن الهديـر
ولاكسبـت إلا معرفـة عزيزيـن الجنـاب=ولاخسرت إلا معرفـة عديميـن الضميـر
أقترب لامقترب شيـن بعـض الأقتـراب=أبتعـد لامبتعـد شيـئ فـي حقـي كبيـر
ياسؤالي كل ماطرحـك ماألقالـك جـواب=مالي إلا الصبر وأهل الصبر توعـد بخيـر
وصف خبلان الرخا مثل ضحضاح السراب=يفرح العطشان شوفه يحسـب انـه غديـر
للردي لو هو ولد عم لاتحسب لـه حسـاب=كم عزيـزٍ ذلـه الوقـت بضيافـة حقيـر
الـدروس أنـواع تطبيـق والا أنتـسـاب=بس أنا اللي طبـق الـدرس قـدام المديـر
يا غريب أن مت شلني اليا هاك الهضاب=حط قبري بين عنتر وأبـن عمـه زهيـر
حطني في مقبرة عبس مروين الحراب=حطني بأعلى علم عبس مروين الشطير
وان عسرك الوقت نطلع ونرجـع للتـراب=ويــارث الأرواح الألاه الأول والأخـيـر
اول الدنيا طـرب وأوسـط الدنيـا عـذاب=وأخرتها الموت والقبـر وحسـابٍ عسيـر
ياجزيـل الملـك ياكافـل رزق النـيـاب=ياإلاهي مـن عذابـك برحمتـك أستجيـر

الشاعر عيد بن مربح الرشيدي

[متعب العصيمي]

صح لسان الشاعر.. لاهنت ياخالد على القصيده..

لا خلا ولاعدم..

ولك جزيل الشكر وفائق الأحترام..

[فارس عبس]

صح لسان الشاعر.. لاهنت ياخالد على القصيده..

[ابن مرذب]

هاذي القصيده الي تعطيك وصح السانه وسلمت يمناك

[عبدالله الرشيدي]

الأخ خالد العصيمي ماقصرت
قصيده رائعه من شاعر كبير والنقل أروع
الله يعافيك

[ابوبجاد الرويس]

مشكور اخوي خالد

ولاهنت يالغالي

وصح لسان الشاعر الرشيدي

[خالدالعصيمي]

متعب العصيمي

مرورك ينير شاشة صفحتي

البسيطه

تقبل خالص ودي

[خالدالعصيمي]

فارس عبس

مرورك ينير شاشة صفحتي

البسيطه

تقبل خالص ودي

[خالدالعصيمي]

أبن مرذب


مرورك ينير شاشة صفحتي

البسيطه

تقبل خالص ودي

[خالدالعصيمي]

عبدالله الرشيدي


مرورك ينير شاشة صفحتي

البسيطه

تقبل خالص ودي