تخيل ماتدري في احد الايام الا وباب بيتكم
طق طق طق
تقول مين عند الباب يقول افتح انا بدر الدجى
تفتح الباب وتحصل العامل الي يغسل السياره وهوفاك الضحكه على وجه وش تبي يابدر الدجى لسع الشهر ماخلص عشان تجي تاخذ الراتب قول وش تبي في هالوقت جاي عندي يقولك بابا مافيه اقلط بعد ماتدخله لبيتك وتضيفه وتصب له فنجان القهوه يقولك فنجان حق انته مافيه انا اشرب هو......انت اول قول تم على طلب مال انا ينعل ام اللغه الي يعرفها المهم وتنزل عليك الصاعقه لما تسمع طلبه وهو يقول انا طالب القرب منك اثرنه الهندي حاط عينه على البنت يبغى يتزوجها في هالوقت وش راح تسوي وش راح تقوله وش راح يكون ردت فعلك ؟؟؟؟ جميع ماسبق مجرد مقدمه لموضوعي استغربت انا من الاحداث الاخيره وتسليط الانظار على الفتاه السعودية كل ما افتح قناه ولا اناظر الصحف والمجلات ولا اتصفح في المنتديات احصل انواع المواضيع الي تخص الفتاه السعوديه ....قيادة الفتاه السعوديه السياره...وزواج الفتاه السعوديه وعنوسة الفتاه السعوديه ...دراسة الفتاه السعوديه في الخارج ....وذهاب الفتاه السعوديه ... وغيره وغيره
وقبل فتره وانا فاك خشتي عند الستلايت موصل سلك من عند الجيران والوالد مايدري ولفت انتباهي تقرير على احد القنوات وموضوعه هو السعوديات يؤيدن الزواج من اجنبي ؟؟؟؟ قلت في نفسي ياولد خلني اشوف هالتقرير واعرف وش عندهم من افكار جديده لكن طلع التقرير فاشل ولا عندهم سالفه لا وكمان رفع ظغطي وكله بسبب هالموضوع ..............
وانا اقول هالتقريرغلط في غلط وبنات السعوديه مايرضون ابدوخويي يقول لا كلامهم صحيح واغلب البنات هاليومين وخصوصا الجامعيات يؤيدون لانهم بنات متعلمات وفاهمات ودلوعات وواصلين لمستوى راقي مو اي واحد
يتزوجها ياااااااااااااااااي
انا عن نفسي مستغرب فبل مده كان احد شروط البنت الي بتتزوج ان يكون المتقدم لها قبيلي ون نفس ديرتهم ونه لم يسبق له السفر الى الخارج وانه يحب البلوت ويشجع المنتخب وسيارته تكون Bmw او مرسيدس او سياره ثالثه تكون فارهه وخذ وخل عندك وفي نفس الوقت اعرف الكثير من الشباب اللي راحو يخطبون عند ناس قبيليين وكان رد البنات
(يييييييعععع ماعاد بقي الا هو اتزوج طرش بحر )وليوم يقبلون الزواج من هندي وبنقالي وغيره من الي لايجيدون الكلام سبحان الله مغير الاحوال صاروا يوافقون على الزواج من الاجانب ويكل بساطه
وانتشرت هذي الظاهره بشكل ملحوظ صار الاجنبي افضل من ولد الديره ليييييييييييييييييه
انا اقصد بالاجنبي اي شخص يختلف جنسيته من البنت يمكن يكون امريكي اوبريطاني اومن جنسيه افريقيه او اسيويه
على كل حال انا حبيت انافش معاكم الموضوع واسئل البنات هل فعلا انتي احد شروطك لزواج ان يكون قبيلي او انك
تقبلين الزواج من اي شخص حتى ولوكان اجنبي هل مسئلة الاصل والفصل للعريس تهمك ام انها صارت موضه قديمه
اترك الموضوع لكم واتمنى ان اجد الصراااااااااااااااااااااااااااااااااااااحه والشفاااااااااااافيه .
« آخـــر الـــمـــشـــاركــــات »
13-Mar-2007, 01:54 PM
تخيل نسيبك باكستاني ولا بنقالي
العرض المتطور
