وصف القهوه//غازي بن عون الرويس

[هلال الدوادمي]

ياريـف قلبـي للمساييـر قـم شـب=وحط المناره في طويـل الضلالـي
عقب تشق لها لجزل الحطـب جـب=وهات النجر وأحضر جـداد الدلالـي
ثلاث(ن)الهن راعي الكيـف يطـرب=وسوطهن ضمـر والآخـر جلالـي
وبطونهن ماخذن اسبوع(ن)عن الرب=وجنوبهـن صفر(ن)تـلالا تـلالـي
والرابعـه ملقامـةٍ لونهـا أصهـب=حيـث إنهـا للنـار دايـم تصـالـي
ولاجبت كل شروطها اللـي تطلـب=إجلـس عليهـن يازعيـم العيـالـي
وإحمـس لنـا بريةٍحبهـا أشـهـب=وبهارهـا هنـدي وماهـا زلالــي
وإعـرف تـرى قانونهـا مايخـرب=وندارهـا ينقـى ومـاهـا يكـالـي
تـراه مايصلـح لهـا كـل مذهـب=ولاتقبل الراضه ولا الاعـت جالـي
وليا حمست إحرص على حمسة الحب=واعرف ترى الحمسه تبي وسع بالـي
تاخذ على ادنى الجمـر فتـره تقلـب=لين العرق يطلـع سـوات اللوالـي
ومن يـوم يطلـع فالمبردلهـا كـب=لين النـدار ان كـان فيهـا يشالـي
وليـا خـذت مقـدار للنجـر قـرب=ودنه بصـوتٍ يسمعـه كـل غالـي
دنـه وخـلـه للمسايـيـر يـجـذب=لاقـام صوتـه للنشـامـى يـلالـي
يوحونـه الجيـران لاقــام يقـنـب=ويجيك الاقصى والقصيـر الموالـي
وعقـب تـدق البـن لقـم وركــب=ليـن انهـا تسمـح مـن الاجتوالـي
وقبـل تبهرهـا عـن النـار تجـذب=وتركد شويه ليـن يصفـى الحثالـي
وبرويد في حـدى المباهيـر تسكـب=من عقب غـال الهيـل فيهـا يهالـي
واعــرف ليابهرتـهـا يالمشـبـب=تـراه يكفيهـا مـن النـار صـالـي
ثم اجذهـا مـن يـوم بالهيـل تقلـب=ومن يـوم تركـد صبهـا للرجالـي
حتى يجي الفنجـال منهـا لياصـب=بين الشقـار وبيـن لـون الشعالـي
ياأمّا أشقرٍ رايب مثل بـول الارنـب=والا اشعـل يشبـه لـدم الغـزالـي
يطرب لها من كـان للكيـف يشـرب=كيف النشامى اللي من العيب خالـي
واعـرف تراهـا عـادةٍ ماتسـيـب=ولاينتقدهـا إلا قصـيـر الحبـالـي
تراك مـن كـل المناسـب معـرب=مابيـن جـدان وعمـام وخـوالـي
وابيـك عـن منهاجهـم ماتجـنـب=انكـان فكـنـك بـنـات الليـالـي

غازي بن عون الرويس

[نبض المشاعر]

هلال الدوادمي

صح لسانك ولسان شاعرهااا

واصل الابداع

التوقيع

دنيــــا ومــن يـــــدري كلــــ شــــئ يصـــير فيهــــا

[نواف الحسيني]

صح السانك يالغالي



ولاهنت على النقل



تحياتي

[هلال الدوادمي]

نبض المشاعر

نواف الحسيني

مرحبا ومسهلا.......لاهنتو على الردود

نورتوا صفحتكم......

[فارس الباديه]

صح لسانه ولا هنت يالغالي يالبا الشبه والدلال والبن

[هلال الدوادمي]

صح بدنك .....بالنيابه يالغالي

لاهنت على المرور

يالغالي

......هانت سهيل قرّب يالغالي.......

[( أبـو ريـان )]

صح لسانك ومشكور على النقل

تقبل تحياتي / أبو ريان

[هلال الدوادمي]

ابو ريان


الله يعطيك العافيه ....


على المرور الجميل ...

مودتي ..

[متعب العصيمي]

صح لسان الشاعر الكبير / غازي بن عون الرويس

ويعطيك العافيه على طرح القصيد..

ولك فائق الاحترام..

[هلال الدوادمي]

متعب العصيمي ...


لاهنت والله يالغالي على المرور


ولاشكر على واجب!!