أنا وش سويت!!؟ هزيت راسي ومشيت!!

[ابن مجيول]

	أنا وش سويت!!؟ هزيت راسي ومشيت!! _______________________________ استوقفني ذلك الفتى الصغير الذي استلم جدار المسجد ليسجل عليه إبداعاته الرائعة إبداعات تدل على تربيته الغير سويه ليته كتب كلاما لائقا لكنه كتب يا ليت مافي البلد عسكر...ولا مباحث جنائية… أنا وش سويت؟؟؟؟ هزيت راسي ومشيت في تلك السيارة الفارهة رجل وامرأته وطفله ما ان وصلوا الى السوق سلمت المرأة الطفل للرجل الذي أصبح يلاحق امرأته ويسير خلفها وهو يلاعب طفله واستلمت امرأته مهمة الشراء والمساومة في البضائع وما زال لاهياً مع رضاعة طفله تكلم الرجال والرجل على استحياء أنا وش سويت؟؟؟؟ هزيت راسي ومشيت دخلت لأحد مقاهي الأنترنت جلست على أحد الأجهزة كان بجانبي شاب صغير لم يبلغ الخامسة عشر من عمره ولا يوجد معه شخص كبير من أهله كان يدخل على مواقع عده لم أعره انتباهي ولكن وبمحض الصدفة إلتفت اليه فإذا به مبحر في الصفحات الإباحية أنا وش سويت؟؟؟ هزيت راسي ومشيت أذن المؤذن لصلاة المغرب خرجت للذهاب الى المسجد وفي الطريق اذا بسيارة موديل2005 يستقلها اربعة شباب في عمر الزهور المؤذن يقول((حي على الصلاة... وسيارة الشباب بأعلى صوت المسجل أنا ما انساك لو تنسى ... أنا وش سويت؟؟؟ هزيت راسي ومشيت وقفت عند احد الاشارات كان هناك رجل من الجنسية الاسيوية يوزع ورقة اعلانات على السيارات أعطاني ورقة وذهب للذين خلفي ناظرت له بالمرايه فإذا بهم يأخذون عليه الأوراق بقوة لدرجة انهم مدوا ايديهم عليه ثم رموها في وجهه وتناثرت وملأت الأرض وهم يقهقهون فرحين بما عملوا أنا وش سويت؟؟؟ هزيت راسي ومشيت سائق يقود سيارة ومعه امرأة لوحدها الزجاج الذي من جهتها مفتوح تستقبل بكل صدر رحب الأوراق التي تأتيها من كل جهة معلنة ارقام ذئاب جديدة تنظر لهذا وتغمزه بعينها وهذا تؤشر له بيدها أنا وش سويت؟؟؟ هزيت راسي ومشيت كنت انا وصديقي الذي قال لن يسمح لأحد من أهله بارتداء العباءة المخصرة ذهبت للسوق لشراء بعض الأغراض فإذا بي افاجأ بصديقي نفسه بجانبه فتاة مرتدية عباءة مخصرة استحى عندما رآني وخجل أنزل عينه بالأرض أنا وش سويت؟؟؟ هزيت راسي ومشيت دخلت احد المطاعم للإفطار فيه الساعة التاسعة والنصف صباحا دخل ثلاثة شباب في المرحلة المتوسطة وشنطهم المدرسية معهم طلبوا فطورهم ( وكل واحد طلع الخمس ريالات اللي عطاه ابوه ) بعد الفطور أخرج احدهم بكت الدخان واهدى اصدقاءه سيجارة لكل واحد أشعلوها ودخنوا أنا وش سويت؟؟؟ هزيت راسي ومشيت رن جوالي فاذا به رقم غريب رددت عليه فاذا به صوت امرأه سألت:جوال فلان ؟؟ فقلت:لا اغلقت وبعد قليل إذا بنفس الرقم مرسل رسالة حب دقائق اذا به يرن ونفس السالفة (( ثلاث مرات متتالية )) وآخر مرة تقول لي ..افهمها يا غبي ..!!!!!! أنا وش سويت؟؟؟ هزيت راسي ومشيت في ذلك الحفل والتجمع الراقي المؤدب كنت مدعواً له ذهبت بلباسي الذي افتخر به كل الناس مفتخرين ومعتزين بلبسهم قليل واذا بشاب يدخل مرتديا ملابس غربية للحفل شعره يتدلى على كتفيه مفتخرا به أنا وش سويت؟؟؟ هزيت راسي ومشيت في ذلك المجمع التسويقي دخل شاب وسيم مرتديا ملابساً فاضحة لجسمه ( يعني ضيقه ) يسير كما تسير عارضات الأزياء وخلفه فتاتان تلاحقانه يغمزانه ويبـ..... ويلتفت اليهن ويبتسم وهن يضحكن على غبائه وهو مفتخر لأنه صادهن أنا وش سويت؟؟؟ هزيت راسي ومشيت رجل مسن كبير بالعمر وابنه معه في السوق عمره في السابعة عشر او الثامنة عشر اشتروا اغراضهم الضرورية وعند الخروج يخرج الشاب وهو يكلم بجواله ووالده يحمل الأكياس المليئة بالأغراض وهو يسير أمام والده وكأن والده خدام عنده أنا وش سويت؟؟؟ هزيت راسي ومشيت ذهبت للمستشفى اتجهت الى ثلاجة الموتى لأتأكد هل هو من أظن أنه هو لقد كان هو استلمت جثته ذهبنا به الى المقبرة صديقي الذي لم اكن اتخيل ان احث التراب في وجهه سوف أدفنه واغطيه بالتراب بيدي دفنته حبا وكرامتاً في قلبي واليوم أدفنه تحت الثرى إنا لله وإنا إليه راجعون أنا وش سويت؟؟؟ هلت دموع عيني وبكيت تحياتي للجميع

[النافذ]

الاخ ابن مجيول حفظك الله





وتر ماشفت شي مصائب الله يحفظ البلاد والمسلمين منه اخوي
قال امين

[بناخ العود]

السلام عليكم ورحمة الله وبركاته
موضوع يستحق الاشاده به لشده شرحه للواقع المرير.اتمنى من المشرفين على هذا المنتدى اعطاء هذا الموضوع مايستحقه من الاشاده به كما اتمنى ذلك من الاعضاء وهذا ليس امر بل تكرما منهم لانه فعلا هذا واقعنا المرير.وبيض الله وجهك بياضا ما يغطه سواد............
بناخ العود

[فيصل المسعودي]

عزالله صدقت في كل كلمه قلتها


بس السؤال لين متى وواحدنا يقول هزيت راسي ومشيت


مقول الا تحياتي ياكاتب الموضوع

[النافذ]

[quote=فيصل المسعودي]عزالله صدقت في كل كلمه قلتها


بس السؤال لين متى وواحدنا يقول هزيت راسي ومشيت


صدقت اخوي فيصل والله كلامك عين العقل

نعم ياخواني الكرام لين متي نقول هزيت راسي ومشيت

الماذا صار الي تحت فوق والي فوق تحت
الهرم يااخواني صار مقلوب وهذى قاعده الله يستر من اخره

لكم من اخوكم النافذ
فائق الاحترام والتقدير

[ضاري]

انا قريت مقالك واعجبني بس أنا وش سويت؟؟؟ هزيت راسي ومشيت

[فواز الشيباني]

اخي الكريم موضوع اكثر من رائع تسلم ياغالي

[ابو ماجدالمرشدي]

صدقت اخوي


صار الواحد منا يشوف العجب قدامه ويهز راسه ويمشي


لا وللاسف البعض اذا شافه ضحك ماهو ضحك تعجب الا ضحك اعجاب


نسأل الله السلامه

وبيض الله وجهك على هالموضوع الاكثر من رائع

[الأمــير]

الاخ ابو مجيول




اشكرك على هذه القصص الجميله


و على مايقول المثل000000

العين بصيره واليد قصيره




ولك تحيـــــــــــــــــــــــــــــــــــــاتي0000000 0



اخوك ذيب الحنابج

[ابن مجيول]

	اشكر الجميع على هذا المرور على هذا الموضوع ولكم مني خالص المحبه والتقدير اخوكم ابن مجيول