بعض الأقارب مثل سم العقارب

[أبو محالة]

حل الجفا والبين بين الأقـــــــــارب = وبان الخلل بنفوسهم والتخلخال
بعض الأقارب مثل سم العقــــــارب = داخل خلايا الدم والسم قتال
أوكار للغيبه وعش ومــــــــــزارب = حكّاية المجلس خبيثين الأعمال
يرمون غافلهم بعشـريــــــــن ذارب = نتابة المقفي بالأقفا والإقبـــــــــــــــــــــــــــــــال
حديثهم عند الجميع متضـــــــــارب = أوباش خلق الله عسى ما لهم تـــــــــــــــــــــال
وحتيش لو ربوا دقون شـــــــــوارب= وتلبسوا بلباس لباسة الشـــــــــــــــــــــــــــــال
وسلم العروبية وسلم الاعـــــــــارب = ما عاد له قيمه وطاري على البـــــــــــــــــــــــال
حلقاتهم فيها شكوك ومــــــــــآرب = وأمرا ضهم صابت نساءهم والأطفـــــــــــــــــــال
رعيان ضين وبالمضاجع ضـــــــوارب = وعند اللوازم مالهم دور وأفعـــــــــــــــــــــــــــــال
وشبابهم بالليل تحت الكهـــــارب = في ساعة ممنوع فيها التجـــــــــــــــــــــــــــوال
هاذي سمات أهل الوجيه الأتــارب = وعلاجهم بتر عضو كـــــل ختــــــــــــال
لو صابهم ما صاب اهل سد مــآرب = تذّكروه وحدثوا به للأجـــــــــــــــــــــيال
البعد عنهم مثل شمس المغــارب = أخير من قرب المعــــــــــــــاتيه الأرذال
لاحظت هذا من خلال التجـــــــارب = في كل بيت وحي واقــــــــــــع ولا زال
ما كل من حط له لحيه وشــــــارب = تحكم عليه أنه مثالي ورجــــــــــــــــال
من حش ذاك وذاك ما له مهــــارب = ما ينتبه قدام يطبع بالأوحــــــــــــــــال
زرقه تهاذب مثل شيب الغــــــوارب = جره لسانه للإهـــــــــــــــــانه والإذلال
لو تنهمه وتعاتبه فر هــــــــــــــارب = أشرد من اللي بالدحل يهذل أهـــــذال
عقله وعقل أبا الحصين متقـــــارب = والحصني أذهن منه في كل الأحــــوال
علباه يندس من سمون المصــــــــارب = ولحيه على الأكلات ماهوب بطـــــــــال
هذا إنطباعي عن عفون الأقــــارب = كل أعوج يشهد لسانه بما قــــــــــــال
أهل التيوس اللي فحلها يطــــارب = لا قدموها بين شاري ودلال
لولا الحيا كدرت صفو المشــــــارب = وشهرت بأسمائهم على رؤوس الأقذال
وضحت ما شاهدت وامقت وأحارب = مجالس أهل الخبث والقيل والقــــــــال

[((الدلبحي))]

صح السانك والسانه

كلام منطقي وواقع صحيح

تحياااااااااااااااااااااتي

[أبو فيصل]

صح لسانك و لسانه

و الله يعطيك الف عافية

تحياتي

التوقيع

لا إله إلا أنت سبحانك إني كنت من الظالمين

[فيصل المسعودي]

ص

ح لسانك ولسان ابن مغيرق


تحياتي

[محمد بن سلطان]

صح لسان الشاعر وعز الله انه صدق فينا قال..

يسلمو اخوي على النقله .....







فائق التقدير والاحترام000

[أبو محالة]

الدلبحي والله استانس بردودك
ابن مشيب (فهد الشيباني) شرفت ونورة الموضوع بوجودك

[أبو محالة]

المسعودي اعجبت بنشاطك في المنتدى ولك محل من الغلا في القلب

[أبو محالة]

فهد ابن سلطان هلابك واهنيك على هذه الجراة

[فتى الروم]

صح السان الشاعروبو محاله
الف شكر

[النافذ]

صح لسانك و لسانه

و الله يعطيك الف عافية
صح لسانك و لسانه

و الله يعطيك الف عافية