الصواريخ

[ماجد العصيمي]

بسم الله الرحمن الرحيم


قصيده نابعه من موقف اقول فيها


فالماقف اللي ما غذته الصواريخ=اغذاه هرج لسان وفعول يمنا
حرن شهر في عاليات الشواميخ=وبومن تبلم يا ملا ما بلمنا
يا بين وجه اللي ضري بالمصاميخ=اللي مقاليطه حليبن وسمنا
ماهوب وجه اللي يصبح بتوبيخ=وممساه نار الحرب والدار ومنا
بعد اذنكم في كلمتن قالها الشيخ=بقولها وازيدها من سهمنا
(حنا هل الوقفات واهل المناويخ)=واعتى المواقف ما تنكس علمنا
وانتم هل الخليان واهل التخاتيخ=تفنا قبايلكم ما يفنا سلمنا

[قيس العازمي]

صح لسانك ياشبل




ولو ان الابيات تحتاج مراجعه




تحياتي

[ماجد العصيمي]

تحتاج مراجعة في ايش يالعازمي

[قيس العازمي]

تركيبة الابيات ضعيفه الله يعطيك العافيه




وفيه كلمات بامكانك استبدالها بكلمات اوصل منها للمعنا



وجهة نظر ارجو ان تتقبل بصدر رحب



تحياتي

[ماجد العصيمي]

طيب بدل الكلمات اللي تحتاج لتبديل


عطنا مثال للكلام اللي تقوله