طاروق فايف ستار و معنى خاص ( مرزوق و سفر ) ...

[بندر المقاطي العتيبي]

بسم الله الرحمن الرحيم



السلام عليكم ورحمة الله وبركاته



طاروق لـ الشاعر/ مرزوق المقاطي مع الشاعر/ سفر الدغيلبي ...




مرزوق المقاطي

يا سفر يا صاحبي لا تقوم تدور بوش /:/ اخذها من كف صاحبك و لا هاتها ..
و انت لو تجري لـ رزقك مثل جري الوحوش /:/ منت بـ مخاشر جهينه في ورث امواتها ..


سفر الدغيلبي

ساقها مرزوق و اظن مرزوق مغشوش /:/ فوق قشراً لا نتعها طفت لمباتها ..
يا عتيبي ما عبدنا الدراهم و القروش /:/ الليالي المقبله يا كثر لذاتها ..


مرزوق المقاطي

ابتلشنا في عبادً يكتون الفروش /:/ و انت لا شفت المجنن تسوى سواتها ..
و الله انك تلحس العظم و العظم معروش /:/ مير ما قلت القصيده على حزاتها ..


سفر الدغيلبي

مقشر من اللي يهدد و راسه ما يهوش /:/ الشجاعه ما تجي لـ العرب بـ اصواتها ..
بكره آخذ زينة الخد زاهية النقوش /:/ بعد جرت صوتها و انثرت عبراتها ..


مرزوق المقاطي

لو تعاينا بـ عين الغضب نشناك نوش /:/ خلها في حالها ما نبي غراتها ..
لا تطريها عليه ترى راسي يشوش /:/ و المثل قال لك عمياء و لزمت شاتها ..


سفر الدغيلبي

لو اعاين لك بـ عين الغضب رحت مخروش /:/ عيني الله يحفظك تحرقك نظراتها ..
انت منت بـ ضب فـ الخبت نحرشك و تكوش /:/ انت من عزوة عتابه و من قاداتها ..





آتمنى ان يرتقي لـ ذايقتكم ... آخوكم/ بندر غزاي المقاطي





الطاروق حصري لـ منتدى الهيلا ...

[نسل عساف]

الله الله ابدعوا المقاطي - الدغيلبي ،،، كلهم شعار كبار
33 بندر لاهنت

[متذوق الشعر]

يا عتيبي ما عبدنا الدراهم و القروش

الله الله

صدق من قال الشعراء يقولون مالايفعلون


بدر المقاطي

الله لايهينك ع النقل والاختيار

[محمد الذيابـــي]

الله الله ابدعوا


مرزوق المقاطي - سفر الدغيلبي ،،، كلهم شعار كبار


لا هنت

التوقيع

التوقيع محمد الذيابـــي

[عبدالملك القاضي]

طاروق كايف

ولكن

سفر مبدع في كل حالاته

[خالد الجميلي]

ابدااع ومرزوق المقاطي شاعر لم ياخذ حقه اعلاميا اتمنى من الاعلام انصاف هذا الشاعر المبدع لله درك يا مرزوق

[خليل هليل الشيباني]

مرزوق المقاطي.........سفر الدغيلبي

شعراء كبار على الساحه الاعلاميه

لاهنت على النقل