ياللي تحسب ان الاوادم مقيمه

[ضيف الله العالي]

السلام عليـكم ورحمة الله وبركآته

متواضعه

يالله.. يامحيي.. عظـامٍ /رميمـــه = يامنزل التوبـه ..وغافر والأنعـــام
تغفر تَمَرّد.. نفس عبدٍ لئيمــه = وأمسـى ، يحآول يمتلكهـا ،ولانــام
كم مرةٍ (منها يذوق الهزيمه )= ومن الندم !مجرى النسم .طقّه لحام
فكرت /فـ الدنيـا ليا ماش قيمه = والله ..ماتسوىَ ولو (كسـرة رخام )
من تجربة.. جملة دروسٍ .. قديمـه = ياجعلهـا (تنفـعني بدين الإسلام )
الليل لـ السارين ستر وحشيمه = والصبح ذبـّاح الأمـاني والأحـــلام
إحدٍ قضى ليله ،، مسوي جريمه= ويصير تفكيــره ،، معرّض لـ الإعدآم
وإحدٍ .. سهر ليله ،، يراضي حريمه = واحدٍ يراضي ،،ضيقته بالتهشّام
واحدٍ ليا جا الليل / ذب الخريمــه =وإحدٍ على ‘‘بيض الورق جر الاقلام ‘‘
واحدٍ شكى .. له طعنةٍ في .. صميمه = وأمست .. هواجيسه .. على قلبه حيام ،
والرابـح .. اللي ذكر .. ربـّه نديمه = يخاف من نومٍ ،، ليا نام ماقــــام
علاقته معا ( العبــاده حميمــه )= يسهر على التقوى ،، وتكفير الآثـام
وأصعب مرض .. بأهل العقول السقيمه = اللي نــسمّيهم مــنافق .. ونمـّام
يخآلفون ( أهل العقـول السليمــه )= مافيهم ..اللي عن ..كلام القفى !شـام
(علفهم الأعراض وأكبــر غنيمه = لاجتلهم صوره .. ماقَد مرّت إعــلام )
مايدركون ان.. العواقب وخيمـه = يالله سترك وانت .. بالغيب عــّلام
ولابارك الله (فـ العقول السقيمه )= اللي.. طمعهــا .. فـ الأرامـل والإيتـام
ماعنـدهم .. نخــوه ولا فيــه .. شيمه= عبـّادة الزرقا .. وقطّاعة أرحـام
ياجعلهم .. فدوة عقولٍ .. فهيمه = بياعة الدنيا ،، عزيزين وكرام
أهل النقى.. ودروبهم مستقيمــه = عبادة المولى.. ولـ . الدين خـِدام
ياللي تحسب .. إن الآوادم .. مقيمه = يدوم .. وجه الله وهـ الكون مادام ..
حافظ على دينك .. وتلقى غنيمـه = واليا خسـرت الدين .. ماحولك أنعــام

[قـنـاص الـقـوافي]

ياسلام عليك ياضيف الله
صح لسانك يالجزل
واصل وسجل اعجابي

تحيتي لك

[عايض مثقاب الزراقي]

صح لسانك يا ضيف الله

قصيده تستمد من التجربه

لا يختلف على شاعريتك شاعران

تقبل تحياتي

[نشمي مقعد نايف العتيبي]

صح لسانك ولاهنت


جزله من جزل

تقبل مروري وفائق تحياتي

[محمد الذيابـــي]

,,

صح لساااااااااااااانك ياضيف الله

شاعر جزل

لاهنت

,,,,,

التوقيع

التوقيع محمد الذيابـــي