لا واهني اللي رصيده ملايين/ سليمان الهويدي

[محمد الذيابـــي]

للشاعر الكبير / سليمان الهويدي رحمه الله

لا واهني الي رصيده ملايين =وامضاه في راس القلم يقبلونه
وبواخره تمشي بكل البلادين = ومصادره من كل شكلٍ نمونه
وعنده عيالٍ صالحين ورشيدين =لا غاب والدهم هم يمثلونه
بيته يعانق شاهقات الضلاعين = تلقى الحمام مبيضٍ في ركونه
وديوانه اكبر مابنى بالدواوين = مفتوحٍ واجواد العرب يدلونه
فيه الخدم متكاملين ومطيعين = من جاء لهالديوان بيباشرونه
ولا صارت الريضان مثل البساتين = ماطاب من ريضانها ينزلونه
تلقى الخزاما والنفل والرياحين = تطرب له الورقه وتزعج فنونه
مع لابةٍ تنطح وجيه الشياطين =عزٍ لهم وهم يتفادون دونه
هذي الحياة الي لها الناس شفقين = من غر منها يا حياة المهونه
اشوى من الي ياخذ الدين بالدين =وطّلابته راس الشهر يبلشونه
ومع الفقر عنده بزور ونساوين =يبون حاجتهم ولا يعذرونه
يقضي معاشه مامضى الشهر يومين = الفقر شيبّه وشيب عيونه
عايش ولكن عيشة الفقر مسكين = كنّه مصخن وهو مابه صخونه
يا الله ياقابل صلاة المصلين = انك تقوم بعوننا ثم عونه

التوقيع

التوقيع محمد الذيابـــي

[محمد ابن رووق]

الله يرحمه



شكرا لذائقة الجميلة

[محمد الذيابـــي]

اشكر مرورك يابن روق لاهنت

[بن رفااع]

لاهنت يامحمد

سجل إعجابي بكل ماتطرح

[محمد الذيابـــي]

المشاركة الأصلية كتبت بواسطة بن رفااع

لاهنت يامحمد

سجل إعجابي بكل ماتطرح

مشكوووووووووور



لاهنت يالغالي

[عزارم]

الله يرحم قائلها رحمةً واسعه

ولاهنت على النقل ياطيب

[محمد الذيابـــي]

المشاركة الأصلية كتبت بواسطة عزارم

الله يرحم قائلها رحمةً واسعه

ولاهنت على النقل ياطيب

اللهم امييييييييييين



مشكووور

[عـقـــــــــــاب]

الصراحه جيت بحدد بيت وعلق عليه واشيد به وقريت بيت ورى بيت لين انهيت القصيده

الله يغفر له

وشكراً

[محمد الذيابـــي]

مشكور ياعقاب لاهنت يالغالي