تطلعات المحاوره عند السواط

[((الدلبحي))]

المسعودي والسواط

السواط
سلام ردية تخص أهل الجمـــيل *** والله يجمّل حالكم يا أهل القرى
أما العبوا والا اعذرونا يا هذيل *** وختام هذا الليل مســـك وعنبرا

المسعودي
يا مرحبا بك ياعميل ( ن) لك عميل *** وإن كان ما يسري عميله ما سرى
ترى قصير الثوب ما يكسي الطويل *** أما شمــــر من قدم والا من ورى

السواط
الكيف للخرمان من بن ( ن) وهــيل *** ياللي تشـــــوفون العمى والأعورا
شفت المطر لكنّ ما شاهدت سيل *** يا اهل الطوابع كيف تنسون الغرى

المسعودي
ماني بحاذف واحد(ن) عابر سبيل *** واللي يبا يقرى يجي لأم القرى
يا سواط أنا ماجيت أدوّر من بخيل *** أكبر مـــــن الشعار والله أكبرا

السواط
اصبر على قرص الحنش ليلك طويل *** ودّ الخبر للغافل اللي ما درى
ياللي تشوف أم الرعد وام الصهيل *** ما ودّيَ آحدّك على علم الزرى

المسعودي
لو شفت مقروص الحنش ميت قتيل *** لا تنخش العقرب تجيك من الثرى
لو شلت راس العود عن راس الحسيل*** شيّلتك العــــيدان يبس وخضّرا

وسلامتكم

[فرهودي]

رائعه،،


بحق

الله يعطيك العافية الدلبحي..

[((الدلبحي))]

فرهودي
مشكور على مرورك
ياغالي

[بن بادي]

ما شاء الله عليك

ما تجيب الا الطيب النادر

الله يبيض وجهك

تحية لك

[((الدلبحي))]

يابن بادي
تسلم وانا اخوك على المشاعر الاخويه والكلام الطيب

تحيااااااااااااااتي