ابن جدلان وملفي المورقي

[ذيب الخلا]

هذة المحاوره جرت في بيشه بين كل من


الشاعر/
سعد بن جدلان الاكلبي


والشاعر/
ملفي المورقي


أتمنى أن تنال إعجاب الجميع

ملفي المورقي

أنا أشوف إبن جدلان بين الجماهير= سواة الوزير اللي يسحب عباتـه

أكيد إن عنده علم يالله عسى خير= ولكن ياراعي العلم عجـل وهاتـه

إبـن جــدلان

ليا شفت بن جدلان ويش التفاكير= ومن صاح من صكات الأيام جاته

لا عينت للحمله جماميل وبعيـر= طريق الجمل سمحان درب أمهاته

ملفي المورقي

لو إنك توعد وش يبا يكون ويصير= أعرف الحديث الزين وإعرف رواته

حليل الجمل مير الجمل طاح في بير= على الجمه الزرقـاء تـدلا لهاتـه

إبـن جــدلان

لو المورقي لاحق على سالم الزير= خذ السيف والبرده وسوى سواته

مقادير يا قلـب المعنـا مقاديـر= يوصيك من حبك وتنسى وصاتـه


ملفي المورقي

ترى الذيب يوم يروح فزاع وأمغير= يدور مع البـدوان بلعـوم شاتـه

ترى واحد تكثـر وراه المداويـر= عليه السلام أو رحمته وبركاتـه

إبـن جــدلان

ترى من توطته السنيـن المدابيـر= تعمر قصر فقـره وتهـدم غناتـه

تفضون راس الضلع يا هل البواكير= ولا طاح منكم واحده من حصاتـه


ملفي المورقي

لو أنك تعذر ما تفيد المعاذير= ترى ما يفيد المسلم إلا صلاته

وحنا ليا قمنا نهد الطوابيـر= وياجعل فقر الذيب وألا غناته

إبـن جــدلان

محمل عليك أمن الدراهم قناطير= لكن طيع شوري ود حملك وهاته

أنا خابر صورتك تحتاج تكبيـر= لكن الجهـاز إيعجـل أمكبراتـه

ملفي المورقي

وألا يا سعد ندهن لك السير ويسير= وجنب صحيبـك لا تنكـد حياتـه

هدمنا جبل شمر وباقي شمنصيـر = عسى الدش باكر يطلعه في قناتـه

إبـن جــدلان

ليت المورقي باقي من الكشب للنير = بعيره وماه أو قربتـه وشوهاتـه

صحيب يـدور صاحبـه باتنانيـر = لكنه هقا في الوقت والوقت فاتـه

[ابو فايح]

حليل الجمل مير الجمل طاح في بير= على الجمه الزرقـاء تـدلا لهاتـه


الله الله يا ابو وافي


صح السنة الشعراء

وسلت يالذيب على النقل

التوقيع

عالم تويتر abofayeh@

[ثقيف دام عزها]

ياسلالام

طاروق نااااااااااري

[مهدي]

الله الله ابو وافي وافي لكن العود الاكلبي ما ينطح

الله يعطيك العافيه يا الذيب