السلام عليكم ورحمة الله وبركاته
قصيده لشاعرنا المبدع : مستور بن منسي المقاطي
في صاحب السمو الملكي الأمير : خالد الفيصل
..
سر يا قلم والقاف بالعزف محبوك = وان قلت ذك العلم بالعرف ذكه
مبروك يا مكه واعيدلك مبروك = من فوق نورك نور مافيه شكه
حييت يا ميرن من سلالة ملوك = بك نور الطايف وجده ومكه
يا مرحبا ترحيب بالطيب مشروك = نكتب لك الترحيب في كل سكه
جنا زعيم (ن) يملك الطيب بصكوك = وارسي مثل سنجار ما احدٍ يدكه
يلي كسبت الطيب من مارث ابوك = ماهي غريبه يوم بابك تفكه
لو للنعم فالمملكه توجد بنوك = كل شيك أسجل فوقه اسمك واشكه
حبيت كل الناس والناس حبوك = باب المدايح فيك ما احد (ن) يصكه
مدحي بعارينه محاميل وبروك = وان درهمت لك كل حزم(ن) تهكه
جدك نهار المدح ماهو بمتروك = اللي يخلي جيش الأقوام دكه
يا مرحبا واهلين وانقول مبروك = بك نور الطايف وجده ومكه
تحياتي ..
« آخـــر الـــمـــشـــاركــــات »
23-Dec-2009, 03:14 PM
قصيده للشاعر : مستور المقاطي .. في الأمير خالد الفيصل
العرض المتطور
