قصيده مجهوووله غزليه

[مطلق الشيباني]

القصيده هذي يالربع قريتها واعجبتني وانا والله ما اعرف الي كتبها بس قلت يمكن تعجبكم

واذا معجبتكم ارجوا المعذره ههههههههههههههه (واحد داري انها ماهي معجبتكم)
[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,gray" type=2 line=200% align=center use=ex length=0 char="" num="0,black" filter=""]
شفتها يا سعود صدفه بعد ما غابت سنين

عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن

ناظـرت فينـي بدهشه نظره متواضعـه

قالت انته تـحسبني من بنات صايعيـن

تـحسبني في زماني عن طريقي ضايعـه

قلت انا ماراح اطـول كلبوها كلمتيـن

وابعـدت عني شويه ثم جتنـي راجعـه

قالت اسال واضح انك من رجال طيبيـن

بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين

ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن

ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن

واذكر انه لاجـرينا كـن شعـره تابعـه

واذكر انـه عاشـق فـالورد الياسميـن

صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن

وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن

ورابعـه ومـرتيـن كـررتـها مـره

قلت وشفيك وشبـلاك يابنيه ترجفيـن

ليش عينك يابنيـه من كلامـي دامعـه

قالت الموقف وقلبـي والمحبـه والحنيـن

كيف اشوفك بعد ماكنـت عنك قانعـه

قلت انا بسألك انكانك انتـي تذكـرين

عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن

بيعونـي غصب حبك لو هو ماني بايعـه

انا في دنياي حالي كنهـا حال السجيـن

حتـى لو فكـوا سراحه فيه شي مانعـه

زوجوني غصب واحد وحرموني حاجتيـن

السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن

والولد ا سمه على اسمك والمشاعـر جايعـه
[/poet]


مع تحيات :- مطلق الشيباني ..............................