سعود البرقاوي .. ياقف متساوي

[رفيع المنزل]

السلام ورحمة الله .. قبل نبدى الهرج كله = مابه عقد ٍ مانحله .. والزعول يروح برا
حضر عندي يالبرقاوي .. كان انك للجزله هاوي = ماشاء الله تاقف متساوي .. والزعول يروح برا

[سعود البرقاوي]

ياهلا باللي يسلم وان حضر قام وتكلم=متحيزم ومتولم واللي يزعل يطلع برى
يالله استر من تاليها كلن قام يسوي فيها= والحقيقة كيف آخفيها واللي يزعل يطلع برى

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[رفيع المنزل]

يالعتيبي جعلك تبقا .. مار البلوى روق وبرقا = لو تنزل قالوا لك ترقا .. والزعلان يروح برا
لو تاخذ لفه مع دوره .. ترى الحقيقة مخبوره= انفخوك سواة الكوره .. والزعلان يروح برا

[سعود البرقاوي]

لاتتدخل بين العالم ودي تطلع منها سالم = سلط الله على الظالم والزعلان يروح برى
كانك ودك بالملوية جاتك تمشي مثل الحية=أثرك عية يابن العية والزعلان يروح برى

[رفيع المنزل]

حنا ضيفان بدولتكم .. لكنا ننقد عادتكم = للاقصى تقصر مدتكم .. والزعلان يروح برا
ترجع في وجهك موزنه .. بنز ٍ متعدي طلبونه = مار المعنى لاتغدونه .. والزعلان يروح برا

[سعود البرقاوي]

لنّ الاقصى مايستاهل يجلس داخل بيت العاهل= والمتعلم غير الجاهل والزعلان يروح برى
كيف الحال وكيف الصحة كح وخلك قد الكحة = وارجع والعب فن الدحة والزعلان يروح برى

[هايف العوني]

ياسلاام عليكم


صح السنتكم متابع بصمت


مودتي

[سعود البرقاوي]

هايف العوني
هلا بك وهلا بـ هالمتابعة

[رفيع المنزل]

منكم والله ماابغى حاجه .. يابير ٍ ماها هماجه = حطو فوق الجاهل تاجه .. والزعلان يروح برا
وشلونك وش تال اخبارك .. ياللي ماتدري عن جارك = خل الدحه واضرب طارك .. والزعلان يروح برا

[رفيع المنزل]

هلا بك ياهايف العوني


متشرف بمتابعتك