مابه تخير كل النشاما كفو

[محمد صالح العطاوي]

ياصحابنا ودنا في شوط قبل السحور=في ليلتن بامر ربي غاب شيطانها
اللي تقدم هلا واللي يغيب معذور=ولابه بيوتن تقوم بغير عمدانها

آخر تعديل محمد صالح العطاوي يوم 02-Sep-2009 في 11:49 PM.

[عقاب العنزي]

عل وعسى يالعطاوي عمت سبع البحور = في ليلة ٍ للآوادم عالي ٍ شانها
اليا قريت الكتب ميزّت معنى السطور = وآنا اعرف بيوتكم وآعرف سيسانها

[سعد بن عون]

الله الله يالعطاوي وصح لسانكـ

وصح لسانكـ يالعنزي

وتقبلوا مروري

متاااابع بقوه

تحياتي لكم

[محمد صالح العطاوي]

عطني علومك وعجل لاتلف وتدور=والخيل ياصاحبي في وسط ميدانها
خابرك ياراعي الدحه ولابك قصور=لكن لاتشغل العربان فاوطانها

[محمد صالح العطاوي]

سعد بن عون


صح بدنك

[عقاب العنزي]

ياللي عزمت العرب وين الصحن والقدور = ياليت بعض البضايع وسط دكانها
حنا عمرنا القصور ولاهدمنا قصور = وانته نصيبك من العمهوج كرعانها !

[عقاب العنزي]

سعد بن عون

صح بدنك

..

[محمد صالح العطاوي]

بعض العرب صار في تال الليال معثور=ياللي تجيب السوالف وين برهانها
قسمي من الطيبه معروف منذو عصور=والا انت لو انشدك ماقلتلي عانها

[عقاب العنزي]

ياطير ياللي عجزت تطير مثل الطيور = ياليت لك جنح يشبه شكل جنحانها
ودي امد إلك يالطيّب بطاقة عبور = لكن صكت بنوك الغرب بيبانها

[محمد صالح العطاوي]

البندق اللي معك ياصاحبي ماتثور=والا غشيم وجهلت بوزن نيشانها
اليابحثت الرجال يبين ما فالصدور=لكن عود علي الديره وسكانها