اقرب قرييب

[صقر نايف العتيبي]

ياسلامي سلامن طيب فوقه يطيب=كل ترحيب باهل الطيب واهل الوفا
المعاني كثيره مير وين الدريب=نطرق ادروب والمعنى ترى في خفا

[سعد حميد الثبيتي]

مرحبا رحب ذيب جاوبه صوت ذيب= يارجال يشعشع نورها ماطفا
المعاني كثيره وانت رجل لبيب= ان بغيت السهل والا بغيت الصفا

[صقر نايف العتيبي]

البقا يا المرحب وانت رجلن عريب=جبت ترحيب بي عن كل شاعر كفا
سوق معناك ياصاحب وجيب الصعيب=وانا ادل الدروب ودونها المرهفا

[سعد حميد الثبيتي]

ظنتي ماتسافر يالبعيد القريب= والسوالف لها يالذيب وجه وقفا
واقف (ن) لك وعظمي فالمواقف صليب=يوم غيري على الوقفات جاه الحفا

[صاهود]

المشاركة الأصلية كتبت بواسطة سعد حميد الثبيتي

ظنتي ماتسافر يالبعيد القريب= والسوالف لها يالذيب وجه وقفا
واقف (ن) لك وعظمي فالمواقف صليب=يوم غيري على الوقفات جاه الحفا

ياسلام ياسلام

حبكة معلم

الصف صفك خلاص انا من ثبيت ههههههههههه

[صقر نايف العتيبي]

يكثر الظن وانته جاهلن بطبيب=والبلا خش في بطنك وماله شفا
انت منت بهين شاعرن يالصحيب=مير به حمل يصعب فوق ظهر اضعفا

[سعد حميد الثبيتي]

انت وضعك مع الشعار وضع مريب= مرة فالهدا ومرار وسط الشفا
الجمل شال حمله وانت تعتب عتيب= كان خشك براد الحق ودور دفا

[صقر نايف العتيبي]

حمدلله وضعي في ركودن واصيب=وانت ياهيه جاك الهاجس اللي غفا
مايخش البراد ولا يخش اللهيب=صاملن وانتبه من سيل لمك لفا